Зеленодольск районында Бердәм килештерүләр кабинеты эше буенча икенче зона киңәшмәсе узды
10 сентябрьдә Зеленодольск муниципаль районында Бердәм килештерү кабинеты эшчәнлегенә багышланган икенче зона киңәшмәсе узды. Чара Татарстан Республикасының җиде муниципаль районы һәм ресурслар белән тәэмин итүче төп оешмалар вәкилләрен берләштерде.
Яңа цифрлы инструментның стратегик әһәмияте турындагы нотыклар белән Татарстан Республикасы икътисад министры урынбасары Динар Шакиров һәм Татарстан Республикасы Икътисад министрлыгының инвестицион климатны үстерү бүлеге башлыгы Элина Җиһанова чыгыш ясады. Спикерлар бердәм килештерүләр кабинетын кертү инженерлык челтәрләренә технологик тоташтыру процедураларын трансформалаштыруга һәм хезмәтләр күрсәтү вакытын сизелерлек кыскартуга китерүенә игътибарны юнәлттеләр.
Чараның практик өлеше «Татарстан Республикасы пространство мәгълүматлары фонды» ДБУ һәм «Татарстан Республикасы цифрлы трансформация үзәге» ДКУ экспертлары тарафыннан оештырылды. Белгечләр системада эшләү буенча тирәнтен укыту үткәрделәр һәм платформа мөмкинлекләрен максималь нәтиҗәле файдалану буенча кыйммәтле киңәшләрен җиткерделәр.
«Бердәм килештерүләр кабинеты – инженерлык инфраструктурасы челтәрләренә технологик тоташу процессын оптимальләштерү өчен булдырылган инновацион мәгълүмати пространство. Система барлык үзара бәйләнешләрне электрон форматка күчерә, процессны үтә күренмәле итә һәм барлык катнашучыларның вакытын экономияли. Хәзер теләсә кайсы вакытта гаризаның нинди этапта булуын күзәтеп була», – дип билгеләп үттеләр чараны оештыручылар.
Киләсе зона киңәшмәсе 2025 елның сентябрь аеның икенче декадасына планлаштырылган һәм муниципаль идарәдә цифрлы инструментлар кертү буенча белем бирү чаралары сериясен дәвам итәчәк.