ВЭФ-2025тә Мидхәт Шаһиәхмәтов «Напитки вместе» («АБ ИнБев Эфес») компаниясе белән проектларны гамәлгә ашыру турында фикер алышты
Бүген Владивостокта Көнчыгыш икътисадый форумында (ВЭФ) Татарстан Республикасы Премьер-министры урынбасары — икътисад министры Мидхәт Шаһиәхмәтов «Напитки вместе» («АБ ИнБев Эфес») башкаручы директоры белән очрашты.
«Напитки вместе» («АБ ИнБев Эфес») компаниясе 3600дән артык эш урыны белән тәэмин итә, аларның һәркайсы чиктәш индустрияләрдә — авыл хуҗалыгында, сәүдәдә, гомуми туклануда, кунакчыллык индустриясендә, логистикада һәм башка тармакларда 12 вакансиягә кадәр формалаштыра. Компания 20 елдан артык үз агропрограммасын үстерә, ул 200дән артык локаль фермер хуҗалыгын берләштерә. Сатып алуларны локальләштерү дәрәҗәсе 90% тан артык тәшкил итә.
«Үзебезнең җитештерүчеләрдән сатып алуларны локальләштерүнең югары дәрәҗәсе һәм җитештерүне үстерүгә тотрыклы инвестицияләр – нәкъ менә безнең икътисадның тотрыклы үсешенә ярдәм итә торган факторлар. Без киләчәктә хезмәттәшлекне тирәнәйтергә телибез һәм компания проектларына ярдәм итәргә әзер», - дип билгеләде министр.
Очрашуда яклар Татарстанда компаниянең агымдагы инвестицион проектларын гамәлгә ашыру һәм базар өчен яңа мөмкинлекләр турында фикер алыштылар.
«Без бизнесыбыз өчен стратегик яктан мөһим төбәк булган Татарстан Республикасы белән булган партнерлыкны югары бәялибез. Без ышанабыз, дәүләт тарафыннан базар өчен яңа мөмкинлекләргә ярдәм итү тармакның алга таба үсешен тәэмин итәргә мөмкинлек бирәчәк. Татарстан мондый чишелешләр өчен идеаль мәйданчык булып тора: сыгылмалы, прогрессив һәм соңыннан федераль дәрәҗәдә киң колач ала торган инновацион проектларга ачык», — дип ассызыклады «Напитки вместе» («АБ ИнБев Эфес») компаниясе башкарма директоры Каплан Станислав.
ВЭФ-2025 3 сентябрьдән 6 сентябрьгә кадәр Владивостокта Ерак Көнчыгыш федераль университеты кампусы мәйданчыгында уза. Форумда 70 ил, шул исәптән Кытай, Вьетнам, Һиндстан, Лаос, Малайзия һәм Таиланд вәкилләре катнаша. Фикер алышу өчен төп темалар булып заманча технологияләр кертү, инфраструктура проектларын үстерү, яңа логистик коридорлар булдыру, шулай ук квалификацияле кадрлар әзерләү мәсьәләләре торачак.