Мидхәт Шаһиәхмәтов бизнес алып баруның максатчан шартларының илкүләм моделе турындагы сессиядә катнашты
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов «Илкүләм модель: Россиянең эшлекле климатын яхшырту һәм Ерак Көнчыгыш төбәкләренең инвестицион үсеше» сессиясендә катнашты.
Чара бизнес алып баруның максатчан шартларының илкүләм моделен — илдә уңайлы инвестицион климатны үстерү өчен ориентирларның яңа системасын кертүгә багышланган иде.
Исегезгә төшерәбез, Doing Business Бөтендөнья банкы рейтингын бастыру туктатылганнан соң Россиягә үз бәяләү системасы кирәк булды. Россия Президенты йөкләмәсе буенча аны эшләү белән Икътисадый үсеш министрлыгы һәм СИА эшлекле берләшмәләр белән берлектә шөгыльләнә.
Татарстан Республикасы СИА бизнес өчен шартларны тикшергән дүрт пилот регион арасына кереп кенә калмыйча, илкүләм модельнең төп күрсәткечләренә ирешү буенча үзенең «юл картасын» да раслады инде.
Мидхәт Шаһиәхмәтов билгеләп үткәнчә: «Инвестицион климат сыйфаты буенча лидерларның берсе буларак, Татарстан тәҗрибәсе төбәкләр өчен бик мөһим. Без предприятиеләрне теркәү, инфраструктурага тоташтыру һәм күчемсез милек белән идарә итү кебек өлкәләрдә иң яхшы тәҗрибәләр белән уртаклашырга әзер, анда безнең тәҗрибәләр нәтиҗәле дип танылган. Бер үк вакытта без яңа мәсьәләләргә — финанс хезмәтләрен үстерүгә, инвестиция-төзелеш циклы процедураларын гадиләштерүгә һәм башкаларга игътибар итәбез».
Моннан тыш, әлеге сессия кысаларында Мидхәт Шаһиәхмәтов Россия Федерациясе икътисадый үсеш министры Максим Решетников һәм ВЭБ.РФ дәүләт үсеш корпорациясе рәисе урынбасары Морат Керефов белән очрашулар үткәрде.