Татарстанның күзәтчелек өлкәсендә ЯИ куллану тәҗрибәсе ил буенча тиражлау өчен тәкъдим ителде

Татарстанның бизнесны тикшергәндә ясалма интеллектны куллану тәҗрибәсе уңай бәя алды һәм Россия Икътисадый үсеш министрлыгы тарафыннан ил төбәкләрендә тиражлау өчен тәкъдим ителде.

Татарстанда бизнеска тикшерүләргә һәм контроль органнары белән нәтиҗәле хезмәттәшлеккә әзерләнергә ярдәм итүче чат-бот булдырылды. Проект регионнарда контроль-күзәтчелек эшчәнлеге һәм бизнеска административ басымны киметү буенча системалы эш өлкәсендә федераль сәясәт бурычларына һәм методологиясенә тулысынча туры килә торган нәтиҗәле корал буларак кертелергә тәкъдим ителде.*

2018 елдан Татарстан Республикасында «Сыналган бизнес» цифрлы платформасы эшли (provbiz.ru). Портал эшкуарлык субъектларына контроль (күзәтчелек) эшчәнлеге өлкәсендәге законнарның гамәлдәге таләпләре турында оператив мәгълүмат бирү өчен булдырылган. Платформа бизнеска контроль органнары белән үзара хезмәттәшлеккә нәтиҗәле әзерләнергә мөмкинлек бирә торган файдалы сервисларга һәм белемнәргә бушлай керү мөмкинлеген бирә. Проект ТР Икътисад министрлыгы инициативасы белән республика прокуратурасы белән берлектә гамәлгә ашырылды. 

Эшкуарларга уңайлы булсын өчен порталда акыллы чат-бот эшли башлады. Цифрлы ярдәмче республика бизнес-бергәлеге соравына җавап итеп булдырылган. Реаль вакыт режимында сервис контроль органнары таләпләре турында мәгълүмат бирә, бизнес алып баруның хокукый аспектлары буенча консультацияләр бирә һәм тикшерүнең барлык этапларын узарга ярдәм итә.

Акыллы ярдәмче агымдагы елда планлаштырылган контроль чаралар һәм аларны үткәрү тәртибе турында хәбәр итәчәк. Чат-бот ярдәмендә эшкуар булачак тикшерүгә әзерләнә, күзәтчелек чарасы вакытында гамәлләр алгоритмын һәм инспектор сораган документларны тапшыруны нигезли алачак.

Татарстан Икътисад министрлыгы, кулланучылардан кире элемтәне һәм законнардагы үзгәрешләрне исәпкә алып, чат-бот функционалын камилләштерергә һәм үстерергә планлаштыра.