Россия һәм Кытай арасында интеллектуаль милек өлкәсендә товар әйләнеше күләме 800 млн.доллардан артып китте
«РОСТКИ» III халыкара форумында интеллектуаль милек өлкәсендә уртак проектларны алга таба цифрлаштыру һәм үстерү турында килешүгә ирешелде.
Нәтиҗәләр һәм хезмәттәшлек перспективалары турындагы карарлар Татарстан Республикасы Икътисад министрлыгы ярдәмендә оештырылган чараларда тикшерелде. Алар кысаларында интеллектуаль милек, фән һәм инновацияләр өлкәсендә килешүләргә ирешелде.
Чаралар барышында спикерлар билгеләп үткәнчә, Россия-Кытай хезмәттәшлеге югары динамика белән характерлана, яңа фәнни, технологик һәм инновацион инициативалар үзәгенә әверелә. Уртак тикшеренү проектларының үсеше узган елда 7,5 мең мәкаләдән артып киткән. Патент гаризалары саны буенча ике илнең алдынгы позициясе партнерлыкның зур потенциалын раслый.
Россия һәм Кытай арасында интеллектуаль милек өлкәсендә товар әйләнеше күләме 2024 елда 800 млн.доллардан артып киткән. Татарстан Республикасының бу эштә актив катнашуы төбәкнең Кытай белән фәнни-техник һәм инновацион хезмәттәшлек үзәге буларак әһәмиятен раслый.
«Интеллектуаль милек, фән һәм инновацияләр белән идарә итү өчен халыкара партнерлык перспективалары» дискуссиясе кысаларында, тәҗрибә уртаклашуны да кертеп, интеллектуаль милек өлкәсендә икеяклы хезмәттәшлек мәсьәләләре күтәрелде. Интеллектуаль милек инфраструктурасын үстерүгә һәм кече һәм урта бизнес инновацион компанияләренә ярдәм итүгә якын килү алымнары эшләнде.
Дискуссиядә катнашучылар интеллектуаль милекне яклау буенча дәүләт хезмәтләре спектрын киңәйтү һәм яңа инструментлар булдыру турында фикер алыштылар.
ЯИ үсеше шартларында авторлык хокукларын саклау мөһим тема булды. Дискуссия нәтиҗәсендә гамәлдәге һәм яңа цифрлы платформалар кысаларында хезмәттәшлекне үстерү турында карар кабул ителде.
«РЕБУС 2025: Цифрлаштыру. Инфраструктура» форумы кысаларында, шулай ук «Казан Экспо» ХКҮ стеналарында уза торган төзелешне һәм шәһәр инфраструктурасын цифрлаштыруга инвестицияләр җәлеп итү буенча дискуссияләрдә катнашучылар инвестицион җәлеп итүчәнлекне тәэмин итә торган алымнар һәм механизмнар, цифрлы чишелешләргә кертелгән капиталны кире кайтару сроклары һәм бизнес өчен дә, дәүләт өчен дә цифрлаштыру эффекты турында фикер алыштылар.
Чарада проектларны гамәлгә ашыруның техник, юридик һәм финанс аспектлары, шул исәптән гавами инфраструктураны цифрлаштыру проектларына шәхси инвестицияләр җәлеп итү һәм башкалар каралды.
Тоткарлаучы факторларны җиңү норматив базаны камилләштерүне, икътисадый стимуллар булдыруны, мәгариф программаларын үстерүне һәм тармакның бердәм цифрлы экосистемасын булдыруны үз эченә алган комплекслы якын килүне таләп итә, дип билгеләп үтелде.
«РОСТКИ» форумы Россия һәм Кытай арасындагы гамәли хезмәттәшлек мәсьәләләре буенча конструктив диалог өчен танылган мәйданчык булып тора. Ул уртак җитештерү куәтләрен булдыруны стимуллаштыра, яңа инвестиция инициативаларын эшләтеп җибәрү өчен мөмкинлекләр тәэмин итә һәм илләр арасында эшлекле, мәдәни һәм спорт элемтәләрен ныгыта.