Татарстан җитештерүчеләре Россиядә иң эре федераль гипермаркетлар челтәре продукциясен тәкъдир иттеләр
Татарстан Республикасы Сәүдә-сәнәгать палатасында «МЕГАСТРОЙ» сәүдә челтәрен тәэмин итүчеләр көне узды. Чара барышында төбәк җитештерүчеләре Россия Федерациясендәге иң эре ритейлер вәкилләренә үз продукцияләрен тәкъдим иттеләр.
Шундый ук чаралар Татарстан Республикасы Рәисе Рөстәм Миңнеханов инициативасы белән Татарстан Республикасы Икътисад министрлыгы тарафыннан даими рәвештә оештырыла һәм үзебезнең җитештерүчеләргә ярдәм итүнең комплекслы программасына керә. Чарага үз продукциясен сату каналларын киңәйтү белән кызыксынган республиканың 40ка якын кече һәм урта бизнес вәкиле җыелды.
Чара барышында гипермаркетларның федераль челтәре спикерлары эшкуарларга тәэмин итүчеләрне аккредитацияләү процедурасы, логистик таләпләр һәм хезмәттәшлекнең финанс шартлары турында сөйләделәр. Продукциянең сыйфаты һәм тәэмин итүнең тотрыклылыгы мәсьәләләренә аерым игътибар бирелде.
Шулай ук челтәрнең категорияле менеджерлары төбәк бизнесы белән шәхси консультацияләр үткәрде, анда эшкуарлар үз продукцияләренең үрнәкләрен тәкъдим итә алды. Беренчел бәяләүләр буенча, анда булган компанияләрнең 40% ы контрактлар төзү мөмкинлеге югары.
«Без Татарстан җитештерүчеләренең зур потенциалын күрәбез һәм озак вакытлы партнерлык мөнәсәбәтләре белән кызыксынабыз. Җирле продукция еш кына сыйфат буенча федераль аналоглардан калышмый, шул ук вакытта логистикада конкурент өстенлеккә ия», — дип билгеләп үтте Төзелеш гипермаркетлары челтәренең коммерция директоры Ольга Пестова.
Моңа кадәр ТР Икътисад министрлыгы тарафыннан оештырылган мондый чаралар нәтиҗәләре буенча 510 артык төбәк компаниясе 5,3 млрд. сумлык контракт төзегән.
Тәэмин итүче көне – Татарстан Республикасында икътисадый үсешне стимуллаштыруга һәм импортны алмаштыруга юнәлдерелгән дәүләти-хосусый партнерлыкны уңышлы гамәлгә ашыру үрнәге.