Татарстан прокуратурасында бизнеска административ басымны киметү чаралары турында фикер алыштылар
Бүген Татарстан Республикасы Прокуратурасында республикада контроль (күзәтчелек) эшчәнлеген гамәлгә ашырганда законлылык торышы, дәүләт контролен (күзәтчелеген) гамәлгә ашырганда бизнеска административ басымны киметү чаралары турында фикер алыштылар.
Эшкуарларның хокукларын яклау буенча ведомствоара эш төркеме утырышы ТР прокуроры вазыйфаларын башкаручы Алексей Заика рәислегендә узды. Анда федераль хакимият органнарының территориаль органнары һәм региональ контроль (күзәтчелек) органнары катнашты.
Республика Прокуратурасының федераль законнар үтәлешен күзәтчелек итү идарәсенең эшкуарлар хокуклары үтәлешенә күзәтчелек бүлеге башлыгы Нәсимә Мирзанурова контроль (күзәтчелек) эшчәнлеген гамәлгә ашырганда законлылык торышы турында сөйләде.
ТР икътисад министры урынбасары Гөлназ Исмәгыйлова контроль (күзәтчелек) органнары белән киңәшмәдә бизнеска административ йөкләнешнең кимүе РФ субъектларында инвестицион климат торышы илкүләм рейтингының төп күрсәткечләренең берсе булуын әйтте. Рейтинг безгә ел саен бизнесны үстерү шартларын яхшырту буенча резервларны ачыкларга мөмкинлек бирә. Бүген контроль органнарының бурычы – профилактика үткәрү, бизнесны мөмкин булган бозулар турында кисәтү һәм аларны бетерүгә ярдәм итү.
Спикер шулай ук хәзерге вакытта дәүләт һәм җәмгыять мәнфәгатьләрен үтәгәндә тикшерүләр санын киметү мәсьәләләрен контрольдә тотарга кирәклеге турында да әйтте.
Утырыш барышында федераль хакимият органнарының территориаль органнары вәкилләре дәүләт контролен (күзәтчелеген) гамәлгә ашырганда хәвеф-хәтәр янаудан уңай тәҗрибә белән уртаклаштылар.