РФ бизнес-омбудсмены ТРда башкарма хакимият органнары җитәкчеләре белән очрашты

Бүген ТР буенча Баш федераль инспектор аппаратында РФ Президенты каршындагы эшмәкәрләрнең хокукларын яклау буенча тулы вәкаләтле вәкил Борис Титов федераль органнарның территориаль органнары җитәкчеләре белән очрашты.
Очрашуда эшмәкәрләрдә туган проблемаларны хәл итү өчен, ведомствоара эш төркемен булдыру турында мәсьәлә күтәрелде.
“Хәзерге вакытта безнең тарафтан ТР территориясендә хокук саклау органнары белән элемтәләр җайга салынган, моннан тыш, эшмәкәрләрнең мөрәҗәгатьләре турында бергәләп сөйләшү тәҗрибәсе бар”, - дип билгеләде ТР Президенты каршындагы эшмәкәрләрнең хокукларын яклау буенча тулы вәкаләтле вәкил Тимур Нагуманов.
“Бүген эшмәкәрләрнең хокукларын яклау буенча тулы вәкаләтле вәкил институтының хокук саклау органнары белән консультатив бердәмлегенең һәм элемтәдә торуының кирәклеге бар. Без беренчеләрдән булып, ТР буенча Баш федераль инспектор һәм ТР Президенты каршындагы эшмәкәрләрнең хокукларын яклау буенча тулы вәкаләтле вәкил арасында багланышлар турында килешү имзаладык.
Минемчә, бүгенге очрашуда сез җитәкләгән ведомстволар вәкилләре катнашында эш төркемен булдыру мөмкинлеге турында мәсьәләне сөйләшү урынлы булыр”, - дип тәкъдим итте ТР буенча Баш федераль инспектор Ренат Тимерҗанов.
Очрашу соңында ведомствоара эш төркеме турында нигезләмә проектын эшләргә карар кылынды.
Шулай ук көч ведомстволарыннан әлеге эш төркеме составына кандидатуралар исемелеге тәкъдим ителде.
5 нче ноябрьдә Мәскәүдә РФ Президентының Идел буе федераль округындагы тулы вәкаләтле вәкиле Михаил Бабич һәм РФ Президенты каршындагы эшмәкәрләрнең хокукларын яклау буенча тулы вәкаләтле вәкил Борис Титов багланышлар турында килешүгә кул куячак, дип хәбәр итә ТР буенча Баш федераль инспектор матбугат хезмәте.