Татарстанда административ басымны киметү буенча эш дәвам итә
Татарстан Республикасы икътисад министры урынбасары контроль (күзәтчелек) органнары белән киңәшмәдә төп бурычны – эшкуарлык активлыгын артык административ басымнан башка саклап калу турында әйтте.
Бүген Икътисад министрлыгында бизнес белән хезмәттәшлек мәсьәләләре, шулай ук илкүләм рейтингның яңа күрсәткечләре буенча фикер алышу өчен федераль хакимият органнарының территориаль органнары вәкилләре белән чираттагы киңәшмә узды.
Киңәшмә кысаларында Татарстан Республикасы икътисад министры урынбасары Гөлназ Исмәгыйлова ассызыклаганча, контроль органнарының бурычы – мөмкин булган хокук бозулар килеп чыгу өлешендә бизнес белән профилактик эшне көчәйтү, судка кадәр шикаятьләрне карау срокларына игътибар итү.
Министр урынбасары үз чыгышында билгеләп үткәнчә, контроль органнары бурычларының берсе – эшкуарларның хокукый грамоталылыгының гомуми дәрәҗәсен күтәрү, шулай ук бизнесның мәгълүматлылыгын арттыру һәм эшкуарлар белән «кире элемтә»нең нәтиҗәле механизмнарын булдыру. Моның өчен рәсми каналларны – сайтларны, социаль челтәрләрне, интернет-порталларны һәм эшкуарлар өчен башка мәгълүмати ресурсларны кулланырга киңәш ителә. Шәхси консультацияләр уздырырга, шул исәптән онлайн-мессенджерларны да кулланып.