Роман Әмирханов Дагыстандагы форумда партнерлык финансларын үстерү инструментлары турында сөйләде

«Дагыстан икътисады: потенциал һәм үсеш векторы» форумы кысаларында Татарстан Республикасы икътисад министры урынбасары – Социаль-икътисадый мониторинг департаменты башлыгы Роман Әмирханов «Партнерлык финанслары – катнашучы регионнарның финанс базарын үстерү коралы» секциясендә чыгыш ясады. 

Спикер Татарстан Республикасында тәҗрибәне гамәлгә ашыру тәҗрибәсе белән уртаклашты.

Аның сүзләренчә, Татарстан Республикасында партнерлык (ислам) финанслары өлкәсендә эш инде 15 елдан артык алып барыла, ислам финанслары принципларына нигезләнгән аерым проектларны гамәлгә ашыруда уңышлы тәҗрибә тупланган. Партнерлык финанслары буенча эксперимент үткәрү турында 417 номерлы федераль закон кабул итү бу базарда активлыкны сизелерлек арттырды. 

Базарда катнашучыларга уңайлы булсын өчен Татарстан Республикасында хәзер цифрлы инвестиция платформасы – «Ас Салям» дәүләт корпорациясе һәм «Статус» АҖ бергәләп гамәлгә ашырыла торган проект актив үсеш кичерә.  Бу физик һәм юридик затлардан акча җәлеп итү һәм аларны хәләл проектларга инвестицияләү өчен платформа. 

Моннан тыш, республикада Россия законнары кысаларында сукук чыгару тәҗрибәсе бар. Россия эмитентлары тарафыннан сукук чыгару партнерлык финанслары базарын үстерү һәм, беренче чиратта, ислам илләреннән капитал җәлеп итү өчен мөһим юнәлеш булып тора.