Татарстан Республикасы икътисад министры төбәкләрнең инновацион үсеше мәсьәләләренә багышланган «түгәрәк өстәл»дә чыгыш ясады

2013 елның 16-17 октябрь көннәрендә «Татарстан Республикасында стандартлаштыру, метрология һәм сынау дәүләт төбәк үзәге» Федераль бюджет учреждениесе «Фәнни һәм фәнни-техник эшчәнлек нәтиҗәләрен икътисадый әйләнешкә кертү максатында СМҮ ФБУнең хезмәт күрсәтү өлкәсен киңәйтү концепциясе» дип аталган семинар оештырды. Бүген, 2013 елның 17 октябрендә, семинар кысаларында «Төбәкләрнең инновацион үсеше: уңыш факторлары һәм тәэмин итү чаралары. Стандартлаштыру, метрологияне куллану һәм инновацион продукцияне җитештерүгә куюның максатларга туры килүен раслау мәсьәләләре» темасы буенча «түгәрәк өстәл» үткәрелде. Спикерларның берсе сыйфатында «түгәрәк өстәл»дә Татарстан Республикасы икътисад министры урынбасары Артем Здунов катнашты. Татарстан Республикасы Россиянең иң көчле инновацион төбәкләре бишлегенә керә, ә Россиянең Инновацион төбәкләре ассоциациясендә катнанашучы төбәкләр арасында 1нче урында тора. Татарстан Республикасында фән, технология һәм техника үсешенең өстенлекле юнәлешләре арасында нанотехнологияләр, биотехнологияләр, фундаменталь һәм гамәли медицина, полимер, композицион һәм энергия белән туендырылган материаллар, фән сыйдырышлы машина төзелеше һ.б. бар.