Икътисад министрлыгы норматив хокукый актка экспертиза кысаларында гавами консультацияләрдә катнашырга чакыра
Татарстан Республикасы Икътисад министрлыгы тарафыннан, 2024 елның 23 августыннан башлап, Татарстан Республикасы Министрлар Кабинетының «Файдалы казылмаларны разведкалауны һәм чыгаруны гамәлгә ашыручы яисә файдалы казылмаларны геологик өйрәнү, разведкалау һәм чыгаруны берләштерелгән лицензия буенча гамәлгә ашыручы җир асты байлыкларыннан файдаланучылар авыр чыгарыла торган файдалы казылмаларны геологик өйрәнү, разведкалау һәм чыгару технологияләрен эшләү яисә авыр чыгарыла торган файдалы казылмаларны геологик өйрәнү, разведкалау һәм чыгару технологияләрен берләштерелгән лицензия буенча, аларга бирелгән «Җир асты байлыклары турында» 1992 елның 21 февралендәге 2395-1 номерлы Россия Федерациясе Законы нигезендә бирелгән җир асты байлыклары кишәрлекләрендә үз җитештерү һәм технологик ихтыяҗлары өчен расланган техник проект нигезендә гомумтаралган файдалы казылмаларны чыгару тәртибен раслау турында» 2011 елның 21 декабрендәге 1042 номерлы карарына экспертиза уздырылачак.
Экспертиза үткәрү максаты – эшләү һәм кабул итү барышында белдерелгән җайга салу максатларына ирешүне, хокукый җайга салуның тәкъдим ителгән ысулының нәтиҗәлелеген, хокук куллану тәҗрибәсен анализлау ярдәмендә хокукый җайга салуның тәкъдим ителгән ысулының хакыйкый уңай һәм тискәре нәтиҗәләрен бәяләү.
Бизнес-берләшмәләр вәкилләрен һәм башка кызыксынган затларны әлеге норматив хокукый актны экспертизалау кысаларында ачык консультацияләрдә катнашырга чакырабыз. Гавами консультацияләр уздыру срогы 2024 елның 23 августыннан 23 сентябренә кадәр.
Анда эшкуарлык һәм бүтән эшчәнлек субъектлары өчен артык административ һәм бүтән чикләмәләрне һәм вазыйфаларны кертә торган яисә аларны кертүгә булыша торган нигезләмәләр, шулай ук эшкуарлык һәм башка төрле икътисадый эшчәнлек субъектларының һәм Россия Федерациясе бюджет системасындагы барлык дәрәҗә бюджетларның нигезсез чыгымнары барлыкка килүгә сәбәпче булырлык нигезләмәләр булган очракта, кисәтүләрне һәм тәкъдимнәрне Татарстан Республикасы Икътисад министрлыгының җайга салу йогынтысын бәяләү һәм конкуренцияне үстерү секторына түбәндәге электрон адреска җибәрү сорала: Natalya.Tolcheeva@tatar.ru.