Татарстанның төбәк һәм муниципаль хезмәткәрләре контроль (күзәтчелек) эшчәнлеге өлкәсендә квалификацияләрен күтәрделәр

22 июльдә Казан (Идел буе) федераль университетының Дәүләт һәм муниципаль идарә югары мәктәбендә (КФУ) Татарстан Республикасының төбәк һәм муниципаль хезмәткәрләре өчен «Контроль (күзәтчелек) эшчәнлеге» профиле буенча квалификация күтәрү программасы үткәрелде.

Спикер сыйфатында Россия Икътисадый үсеш министрлыгының лицензияләү, контроль-күзәтчелек эшчәнлеге,  аккредитация һәм үзкөйләнеш өлкәсендә дәүләт сәясәте департаменты директоры урынбасары Игорь Судец чыгыш ясады.

Ул контроль (күзәтчелек) эшчәнлеге өлкәсендәге төп закон яңалыкларын яңгыратты, аерым алганда, тикшерү уздыру турында рәсми карар белән электрон паспортны тануның беркетелүе турында әйтте. 

Контроль (күзәтчелек) чараларының электрон паспортларының юридик көчен тану документлар әйләнешен оптимальләштерергә һәм документларны рәсмиләштерүгә вакыт чыгымнарын киметергә мөмкинлек бирә, дип ассызыклады Игорь Судец, кабул ителгән үзгәрешләрнең актуальлеген шәрехләп.

Шулай ук спикер контроль (күзәтчелек) эшчәнлеге, агымдагы һәм киләчәктә җайга салу, шулай ук КНД процессларын цифрлаштыру өлкәсендәге гомуми мәсьәләләрне дә атады.

Исегезгә төшерәбез, Татарстан Республикасының төбәк һәм муниципаль дәрәҗәдәге инспекторларының квалификациясен күтәрү буенча укыту программалары елга 2 мәртәбә үткәрелә.