Интеллектуаль милек өлкәсендә эксперт татарстанлыларга бушлай вебинарда маркетплейсларда бизнесны комплекслы яклау турында сөйләячәк
«Кече һәм урта эшкуарлык» илкүләм проекты кысаларында Татарстанда маркетплейсларда бизнесны комплекслы яклау турында бушлай вебинар узачак. Спикер булып Алина Перевозчикова чыгыш ясаячак, ул Роспатентның топ-3 рейтингыннан патент бюросының әйдәп баручы эксперты булып тора.
2023 елда бюро бөтен Россия һәм чит илләрдәге селлерлар һәм компанияләр өчен 7871 товар билгесен теркәгән.
Вебинар – маркетплейсларга чыгарга ниятләүчеләрдән алып кибетне алга җибәрү өстендә эшләүче яки биләгән куышта үз позицияләрен ныгытырга планлаштыручы тәҗрибәле сатучыларга кадәр – төрле категориядәге тыңлаучыларга исәпләнгән.
Эксперт интеллектуаль милекнең уңышлы бизнес төзергә ничек ярдәм итүе, селлерларның конкурентлардан саклану өчен нинди кораллары булуы, карточкаларны, брендны һәм уникаль товарларны ничек саклап калырга икәнлеге турында сөйләячәк. Вебинарда катнашучылар бизнесның маркетплейсларга чыгу алдыннан товар билгесен мәҗбүри теркәү турындагы киң таралган сорауларына җавап алачак һәм, әгәр конкурент идеяләрне урласа, нишләргә кирәклеген беләчәк.
Катнашуга гаризаларны МСП.РФ платформасында Татарстан Республикасының «Минем бизнес» үзәге кабул итә.
Вебинар һәм бизнес һәм үзмәшгульләр өчен башка белем бирү чаралары төбәктә ил Президенты инициативасы белән оештырылган «Кече һәм урта эшкуарлык» илкүләм проекты кысаларында Татарстан Республикасы Икътисад министрлыгы ярдәмендә уза.