30 майда «Ел эшкуары - 2024. Алтын йөзлек» конкурсында җиңүчеләрне бүләкләү тантанасы узачак
Казандагы Эшкуар йортында (Петербург ур., 28) Россия эшкуарлыгы көненә багышланган, «Кече һәм урта эшкуарлык» илкүләм проекты буенча «Ел эшкуары - 2024. Алтын йөзлек» конкурсында җиңүчеләрне бүләкләү тантанасы узачак. Чара 30 майда 16:00 сәгатьтә узачак.
Конкурс «Татарстан Республикасы эшкуарлыкка ярдәм фонды» МКК КО «Минем бизнес» үзәге белән берлектә Татарстан Республикасы Икътисад министрлыгы тарафыннан уздырыла.
«Ел эшкуары. Алтын йөзлек – 2024» премиясе 10 номинациядә гамәлгә куелган - «Җитештерү», «Предприятие-экспортер», «IT проектлар һәм чишелешләр», «Төзелеш», «Импортны алмаштыру», «Авыл хуҗалыгы», «Хезмәтләр өлкәсе», «Үзмәшгуль», «Эш башлаучы эшкуар», «Халык алдында танылу». Җиңүчеләр өчен бүләк – бизнесны телевидениедә алга сөрү.
«Ел эшкуары» премиясе эшкуарларның күренекле казанышларын һәм аларның Татарстан Республикасы үсешенә керткән өлешләрен билгеләп үтәчәк. «Алтын йөзлек»кә керү республиканың бизнес-берләшмәсе тарафыннан югары бәяләнә.
Конкурс турында тулырак мәгълүматны «Минем бизнес» үзәге телефоны аша белергә мөмкин: (843) 524-90-90.
«Кече һәм урта эшкуарлык һәм шәхси эшкуарлык инициативасына ярдәм» илкүләм проектының максаты – аның үсешенең барлык этапларында: старт идеясеннән башлап, аны киңәйтү һәм экспортка чыгаруга кадәр бизнеска ярдәм итү. Илкүләм проектлар РФ Президенты Владимир Путин карары буенча 2019 елдан гамәлгә ашырыла.