Татарстанда «Ел эшкуары. Алтын йөзлек – 2024» конкурсына гаризалар кабул ителә башлады
Татарстан эшкуарлары «Кече һәм урта эшкуарлык» илкүләм проекты буенча «Ел эшкуары. Алтын йөзлек – 2024» конкурсында катнаша алачаклар. Гаризалар кабул ителә башлады инде.
Эшкуарлык өлкәсендә «Ел эшкуары. Алтын йөзлек – 2024» конкурсында катнашуга гаризалар кабул ителүе турында игълан ителде. Конкурс Татарстан Республикасы Икътисад министрлыгы һәм «Минем бизнес» үзәге тарафыннан үткәрелә. Анда катнашу бушлай. Анда Татарстан Республикасы территориясендә теркәлгән һәм эшчәнлек алып баручы кече һәм урта эшкуарлык субъектлары һәм үзмәшгульләр гариза бирә ала.
«Ел эшкуары. Алтын йөзлек – 2024» премиясе ун номинациядә гамәлгә куелган - «Җитештерү», «Предприятие-экспортер», «IT проектлар һәм чишелешләр», «Төзелеш», «Импортны алмаштыру», «Авыл хуҗалыгы», «Хезмәтләр өлкәсе», «Үзмәшгуль», «Эш башлаучы эшкуар», «Халык алдында танылу».
Һәр номинациядә иң яхшы топ-10 билгеләнә, ә бу унлыкта топ-1 ТЯГ каналында «Погружение на 100» телевизион тапшыруында катнашу мөмкинлеген ала. Бу программада алып баручы бизнес-процессларда турыдан-туры катнашып, «суга чуму» эффекты булган компания турында сөйли. Төрле һөнәрләрне сынап карап, алып баручы телевизор караучыларга бизнесның ничек оештырылганын күрсәтә, продукт яки хезмәтнең өстенлекләре белән таныштыра.
Гаризалар 2024 елның 8 маена кадәр ЗОЛОТАЯСОТНЯ.РФ премиясенең рәсми сайтында кабул ителәчәк.
Татарстан Республикасының иң яхшы 100 эшкуарын бүләкләү тантанасы 2024 елның 24 маенда Казанда узачак.
«Ел эшкуары: Алтын йөзлек» премиясе эшкуарларның күренекле казанышларын һәм аларның Татарстан Республикасы үсешенә керткән өлешләрен билгеләп үтәчәк. «Алтын йөзлек»кә керү республика эшкуарлары тарафыннан югары бәяләнә һәм эшкуарлык эшчәнлегендә казаныш булып санала.
Конкурс турында тулырак мәгълүматны «Минем бизнес» үзәге телефоны буенча тәгаенләштерергә була: (843) 524-90-90.
«Кече һәм урта эшкуарлык һәм шәхси эшкуарлык инициативасына ярдәм» илкүләм проектының максаты – аның үсешенең барлык этапларында: старт идеясеннән башлап, аны киңәйтү һәм экспортка чыгаруга кадәр бизнеска ярдәм итү. Илкүләм проектлар РФ Президенты Владимир Путин карары буенча 2019 елдан гамәлгә ашырыла.