Татарстан Республикасы Икътисад министрлыгы Россия инновацион регионнары ассоциациясенең инфраструктура буенча комитеты утырышында катнашты
Комитетның киңәйтелгән утырышы Россия венчур форумы кысаларында узды. Очрашуны ассоциация директоры Александр Смекалин оештырды. Утырышта шулай ук Татарстан Республикасы икътисад министры урынбасары Динар Шакиров катнашты.
Утырышта төбәкләрдә гамәлдәге инновацион инфраструктураны яңадан эшләтеп җибәрү, фәнни-технологик үзәкләрне һәм технологик эшкуарлыкны үстерү мәсьәләләре каралды, Татарстанда тормышка ашырыла торган инновацияләргә ярдәм итү инструментлары турында сөйләделәр.
Утырышта катнашучыларга сәламләү сүзе белән Татарстан Республикасы Фәннәр академиясе президенты Рифкать Миңнеханов мөрәҗәгать итте. Ул Татарстанда гамәлгә ашырыла торган инновацияләргә ярдәм чаралары турында сөйләде.
Докладлар белән Россия төбәкләре вәкилләре чыгыш ясады. Алар үз субъектларында инновацияләргә ярдәм итү тәҗрибәсе белән уртаклаштылар һәм алга таба федераль дәрәҗәдә карау өчен әлеге эшнең нәтиҗәлелеген арттыру буенча тәкъдимнәр керттеләр.
Шулай ук берничә инициатива белән Татарстан Республикасы икътисад министры урынбасары Динар Шакиров та чыгыш ясады.