Илкүләм проект кысаларында дәүләт гарантия ярдәме Татарстан эшкуарларына 2,5 млрд сум җәлеп итәргә ярдәм иткән
«Кече һәм урта эшкуарлык» илкүләм проекты кысаларында булган гарантияле республика ярдәме ярдәмендә Татарстан бизнесы 2024 елның I кварталында 2,5 млрд сумлык ташламалы финанслар җәлеп итә алган.
Агымдагы елның өч аенда республиканың 198 эшкуары Татарстан Республикасы Гарантия фондының поручительлеге рәвешендә 1,0 млрд сум күләмендә дәүләт ярдәменнән файдаланган. Бу аларга бизнеска 2,5 млрд сум күләмендә кредит финансларын җәлеп итәргә мөмкинлек биргән.
Татарстан Республикасы Икътисад министрлыгы карамагындагы Татарстан Республикасы Гарантия фонды финанс оешмалары бәяләмәсе буенча тотрыклы финанс хәленә ия булып, кредит алу өчен җитәрлек залог тәэмин ителеше булмаган республика эшкуарларының кредит йөкләмәләре буенча поручительство бирә.
Санкция басымы шартларында эшкуарларга ярдәм итү өчен эшләнгән «Ярдәм - 2024» ташламалы продукты кысаларында Татарстан Республикасының Гарантия фонды республиканың 80 компаниясе өчен 370,4 млн сумлык поручитель булып чыгыш ясаган, бу аларга бизнесны үстерү өчен 1 млрд сумга якын акча җәлеп итәргә ярдәм иткән. «Ярдәм - 2024» продукты буенча поручительлекнең максималь суммасы 70 млн сум тәшкил итә, поручительлек күләме - кредит суммасыннан 50% кадәр. Бүләкләү ставкасы теркәлгән һәм 0,5% тәшкил итә.
Төбәк Гарантия фонды ярдәменнән республиканың икътисадның барлык тармакларында диярлек эшчәнлек алып баручы эшкуарлары файдалана ала. Уен бизнесы өлкәсендә эшчәнлек алып баручы эшкуарлар, шулай ук кредит һәм иминият оешмалары гына искәрмә булып тора.
Ислам хокукы кануннарын тотучы республика эшкуарлары да «Даман» продукты буенча шәригать нормаларына туры китереп Гарантия фонды ярдәменнән файдалана алачак. «Даман» продукты буенча поручительлекнең максималь суммасы 50 млн.сум тәшкил итә, поручительлек күләме – кредит суммасының 50% кадәр.
Татарстан эшкуарлары Татарстан Республикасы Гарантия фонды сайтында гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак белә ала, телефоннар: +7(843)293-16-94, +7 (903) 061-40-18, шулай ук Казан шәһәре, Мәскәү урамы, 55 йорт адресы буенча Фондның үзенә дә мөрәҗәгать итәргә мөмкин.
Татарстан Республикасында эшкуарларга ярдәм итү Татарстан Республикасы Икътисад министрлыгы карамагындагы үсеш институтлары тарафыннан Россия Федерациясе Президенты Владимир Путин инициативасы белән оештырылган «Кече һәм урта эшкуарлык» илкүләм проекты кысаларында гамәлгә ашырыла.