Татарстан инноваторлары үз гипотезаларын тикшерү өчен 3 млн.сум грант ала ала
Инновацияләргә ярдәм фонды Россия Икътисадый үсеш министрлыгы белән берлектә «Старт-Взлёт» конкурсына гаризалар кабул итә башлады. Конкурс РФ Хөкүмәте Рәисенең беренче урынбасары Андрей Белоусов кураторлык итүче «Взлёт – от стартапа до IPO» федераль проекты кысаларында гамәлгә ашырыла. Конкурста физик затлар гына катнаша ала, ә ярдәм күләме проектны финансламыйча 3 млн.сум тәшкил итәчәк.
Конкурста җиңүчеләр гамәли фәнни тикшеренүләр һәм үз гипотезаларына эксперименталь эшләр үткәрәчәк. Бу проектның тулаем тормышка ашырылуын тикшерергә һәм базарда кирәкле продуктны алдагы стадияләрдә булдыру мөмкинлеген бәяләргә мөмкинлек бирәчәк.
Проектлар алты тематик юнәлеш буенча сайлап алына: цифрлы технологияләр, медицина, яңа материаллар һәм химик технологияләр, яңа приборлар һәм интеллектуаль җитештерү технологияләре, биотехнологияләр һәм ресурсларны саклаучы энергетика.
«Старт-Взлёт» конкурсы буенча гаризалар кабул итү 2024 елның 20 маенда тәмамланачак.