Татарстанлыларны ВДНХда «Россия» күргәзмә-форумы кысаларында Эшкуарлык көненә чакыралар

Татарстан Республикасы Икътисад министрлыгы һәм Татарстан Республикасының «Минем бизнес» үзәге 27 февральдә Мәскәү шәһәрендә ВДНХда «Россия» халыкара күргәзмә-форумы кысаларында эшкуарлыкның тематик көненә чакыралар, анда Татарстан Республикасы стендында чараларның бай программасы тәкъдим ителәчәк.

Татарстан Республикасы стендында кунаклар өчен «Татарстанда минем бизнес» эшлекле уены, сувенир брелоклар һәм беләзекләр ясау буенча мастер-класслар, шулай ук «Россия кухнясы йорты» фуд-холында «Туган Авылым» рестораны шеф-пешекчесеннән «чәк-чәк» милли ризыгын әзерләү буенча мастер-класс узачак, ул дегустация белән тәмамланачак.

Экспонентлардан стендта Татарстан эшкуарларының илебездәге технологик казанышлары тәкъдим ителәчәк:

- сәнәгать объектларын тикшерү, аэроразведка һәм территорияләрне мониторинглау, җирлекнең цифрлы модельләрен булдыру һәм 7 кг авырлыктагы йөкләрне китерү өчен билгеләнгән Innovtol пилотсыз очкычы;

- Non Stop Power (NSP) заряд алу станцияләре макетын күрергә мөмкин булачак, алар барлык сынау дәрәҗәләрен узган һәм заряд тизлеге чикләүләренә карамастан, барлык төр электр автомобильләре өчен яраклы.