Татарстан «Россия» халыкара күргәзмә-форумында сәнәгать объектларын тикшерү өчен пилотсыз аппарат тәкъдим итәчәк
27 февральдә Мәскәүдә «Россия» халыкара күргәзмә-форумында Эшкуарлык көне узачак. Татарстан Республикасы стендында сәнәгать объектларын тикшерү өчен пилотсыз аппарат, барлык төр электромобильләр өчен заряд алу станцияләре макеты тәкъдим ителәчәк, эшлекле уен һәм чәк-чәк әзерләү буенча мастер-класс узачак.
«Бу көнне күргәзмәдә эшкуарлар өчен дә, бизнес ачу турында уйланучылар яки Россиядә эшкуарлык турында күбрәк белергә теләүчеләр өчен дә чаралар оештырылачак. Чаралар катнашучыларга үз эшләрен ничек башларга һәм үстерергә, кирәкле белем һәм ярдәмне кайда алырга, бөтен илдән КУЭ товарлары һәм хезмәтләре белән танышырга һәм сынап карарга мөмкинлек бирәчәк», — дип хәбәр итте РФ икътисадый үсеш министры урынбасары Татьяна Илюшникова.
Татарстан Республикасы стендында кунаклар өчен берничә активлык оештырылачак. Мәсәлән, «Татарстанда минем бизнес» эшлекле уены. Бу атаклы «Монополия» аналогы. Эшләп тапкан уен валютасына катнашучылар милли татар сувенирларын – чәк-чәк, Казан мәчесен һәм түбәтәй сатып ала алачак. Шулай ук кунаклар сувенир брелок һәм беләзек ясау буенча мастер-классларга да йөри алачак.
Экспонентлардан стендта Республика җитештергән innovtol пилотсыз очкычы тәкъдим ителәчәк. Аппарат сәнәгать объектларын тикшерү, аэроразведка һәм территорияләрне мониторинглау, җирлекнең цифрлы модельләрен булдыру һәм 7 кг авырлыктагы йөкләрне китертү өчен билгеләнгән. Вертикаль күтәрелә һәм утыра торган гибрид пилотсыз самолет электр күтәргечле моторлар һәм бензин-марш двигателе белән җиһазландырылган. Иннополис хезмәткәрләре Innovtol пилотсыз очкычы җитештерүне максималь локальләштерә алганнар: электроника, программа тәэминаты һәм дрон конструкциясе Иннополис университетында эшләнгән, углетукыма һәм сумала өчен Татарстан һәм Мәскәүдән Россия җитештерүчеләреннән заказ бирелә.
Шулай ук стендта Non Stop Power (NSP) заряд алу станцияләре макетын күрергә мөмкин булачак, алар барлык сынау дәрәҗәләрен узган һәм заряд тизлеге чикләүләренә карамастан, барлык төр электр автомобильләре өчен яраклы.
«Россия кухнясы йорты» фуд-холында «Туган авылым» рестораны шеф-пешекчесеннән чәк-чәк әзерләү буенча мастер-класс узачак, ул дегустация белән тәмамланачак.