Татарстанда контроль органнары тикшерүләренең 79% профилактик характерда
Контроль органнары хезмәткәрләре 2023 елда Татарстанда 13 700 профилактик чара үткәргән, шуларның 2 000 гә якыны профилактик визитлар. Республикада контроль (күзәтчелек) органнарын тикшерү һәм профилактик чараларның гомуми исәбендә аларның өлеше 79% тәшкил итте.
Исегезгә төшерәбез, 2030 елга кадәр контроль органнары бик югары һәм югары категорияле куркыныч объектларга карата гына планлы тикшерүләр үткәрәчәк. Тикшерүләрнең расланган форматы бизнеска йөкләнешне тагын да киметүне тәэмин итәргә һәм хокук бозуларны профилактикалауга басымны чигерергә мөмкинлек бирәчәк.
Шулай ук РФ Президенты Владимир Путин кушуы буенча 2024 ел ахырына кадәр планнан тыш тикшерүләр үткәрүгә мораторий вакыты озайтылды, шул ук вакытта аларны үткәрү билгеле бер нигез исемлеге буенча гына башкарылачак.
Әйтик, гамәлдәге мораторий ярдәмендә 2023 елда Татарстан Республикасында тикшерүләр саны 3,5 тапкырга кимегән. Аларны профилактик визитлар алмаштырган, алар асылда эшкуар эшенең закон нормаларына һәм таләпләренә туры килүенә бушлай аудит булып кына тора.
Профилактик визит форматы эшкуарлар белән аралашу режимында артык административ басымсыз гына эшкуарлар һәм кулланучылар мәнфәгатьләренә җавап бирүче бизнесның куркынычсыз эшләвенә ирешергә мөмкинлек бирә.
Профилактик визитлар барышында эшкуарлар мәҗбүри таләпләр турында, шулай ук гамәлгә ашырыла торган эшчәнлеккә ярашлы рәвештә законнарны үтәү өчен кирәкле барлык мәгълүматларны ала.
Исегезгә төшерәбез, Татарстан Республикасы эшкуарлары контроль органнарының планлаштырылган, агымдагы тикшерүләре һәм профилактик чаралары турында, шулай ук кабул ителгән карарларны РФ Дәүләт хезмәтләре порталының шәхси кабинетында «Контроль һәм күзәтчелек» махсус бүлегендә күрә һәм белә ала.
Тикшерүләр һәм профилактика чаралары белән «Сыналган бизнес» интернет-ресурсында да танышырга мөмкин, ул Татарстан Республикасы эшкуарлары өчен контроль (күзәтчелек) эшчәнлеге өлкәсендә файдалы белемнәр һәм сервисларның бушлай цифрлы платформасы булып тора: https://provbiz.ru.