Татарстанда пенсионерның яшәү минимумы күләмен 5 мең 912 сумга җиткерергә тәкъдим итәләр

2013 елның 18 сентябре, чәршәмбе
Бүген Татарстан Республикасы Дәүләт Советының социаль сәясәт комитеты һәм яшьләр сәясәтен гамәлгә ашыру, сәламәт тормыш рәвешен формалаштыру һәм XXVII Бөтендөнья җәйге Универсиадага әзерлеккә ярдәм итү комиссиясенең уртак утырышында “Пенсиягә федераль социаль өстәмә түләү күләмен билгеләү өчен Татарстанда 2014 нче елга пенсионерларның яшәү минимумы күләмен билгеләү турындагы” ТР закон проекты каралды.
ТР Икътисад министрының беренче урынбасары Сәрия Сираҗиева билгеләп узганча, закон проекты нигезендә, 2014 нче елга республикада пенсионерның яшәү минимумы күләмен 5 мең 912 сум итеп билгеләү күздә тотыла. “Шул рәвешле, киләсе елга пенсионерның яшәү минимумы күләме 21, 4 процентка артачак. Агымдагы елда ул 4 мең 870 сумны тәшкил итә”, - дип белдерде Сәрия Сираҗиева.
Пенсионерның яшәү минимумы күрсәткече, 2012 нче елның 13 нче июленнән үз көченә кергән 62 нче санлы “ТР да кулланучы кәрҗине турындагы” ТР законында каралган яңа кулланучы кәрҗине һәм туклану продуктларына куллану бәяләре дәрәҗәсе турындагы статистика буенча башкарма хакмиятнең федераль органы мәгълүматлары нигезендә санап чыгарылган.
1 нче сентябрьгә булган мәгълүматлардан күренгәнчә, республикада пенсиягә социаль өстәмә түләү алучы пенсионерлар лаеклы ялда булучы затларның гомуми саныннан 3,5 процентны тәшкил итә. Бу 36 мең кеше. “Федераль бюджеттан чыгымнар күләме 277, 3 миллион сумны тәшкил итә. Бер пенсионерга уртача 789 сум туры килә”, - дип белдерде Сәрия Сираҗиева.
Әлеге закон проектын карап, ТР парламентының социаль сәясәт буенча комитеты аны хупларга һәм ТР Дәүләт Советына аны беренче һәм өченче укылышта кабул итәргә тәкъдим итте.
Шуны да билгеләп узыйк: Татарстанда 2014 нче елга билгеләнүче пенсионерларның яшәү минимумы күләме федераль дәрәҗәдән артып китми (РФ буенча ул 6 мең 462 сум), шуңа күрә “Пенсиягә федераль социаль өстәмә түләү күләмен билгеләү өчен Татарстанда 2014 нче елга пенсионерларның яшәү минимумы күләмен билгеләү турындагы” ТР законын кабул итү Татарстан бюджетыннан өстәмә чыгымнар таләп итмәячәк.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International