Татарстанда 2022 елда илкүләм проектларны гамәлгә ашыруның барлык максатчан күрсәткечләренә ирешелде

Татарстан Республикасы Икътисад министрлыгы мәгълүматларына караганда, 2022 елда Татарстан Республикасы 13 илкүләм проектны гамәлгә ашыруда катнашкан, алар составына 49 төбәк проекты кергән, чараларга 43,7 млрд сум бирелгән.

Республиканың барлык районнарында социаль әһәмияткә ия объектлар төзелеше актив алып барылды, җиһазлар сатып алынды һәм мәгариф һәм медицина учреждениеләренең матди-техник базасын яхшырту гамәлгә ашырылды. Эшкуарларга ярдәм чаралары күрсәтелде, балалары булган гаиләләргә социаль түләүләр бирелде, төрле категориядәге гражданнар яңа һөнәрләргә өйрәтелде.

Илкүләм проектлар хисабына 2022 елда 228 объект – мәктәпләр, балалар бакчалары, поликлиникалар, парклар һәм скверлар, спорт объектлары, мәдәният йортлары, театрлар, сәнгать мәктәпләре, музейлар, юллар төзелде һәм ремонтланды.

Планлаштырылган барлык чараларны гамәлгә ашыру 2022 ел нәтиҗәләре буенча билгеләнгән барлык социаль-икътисади күрсәткечләргә ирешергә мөмкинлек бирде, шул исәптән:

республика халкы яшәр өчен төзекләндерелгән иҗтимагый территорияләр саны 233 берәмлек тәшкил итте;

гражданнарны спорт корылмалары белән тәэмин итү дәрәҗәсе 71,5 % тәшкил итте;

5 яшьтән 18 яшькә кадәрге балаларның 85,35 % ы өстәмә белем белән тәэмин ителгән;

16,15 мең кв. метр яшәү өчен яраксыз булган торак фонды күчерелде;

шәһәр агломерацияләре юлларының 83,19 % ы норматив хәлендә;

үзәкләштерелгән су белән тәэмин итү системасыннан сыйфатлы эчә торган су белән тәэмин ителгән республика халкының өлеше 94,2 % тәшкил итә.

Илкүләм проектларның барлык чаралары Татарстанда тормыш сыйфатын яхшыртуга һәм үз-үзеңне тормышка ашыру өчен яңа мөмкинлекләрдән файдалануга юнәлдерелгән.