Лаеш районы ТР муниципаль берәмлекләренең социаль-икътисадый үсеш рейтингын җитәкли
Татарстан Республикасы Икътисад министрлыгы тарафыннан 2021 елның 8 айлык нәтиҗәләре буенча Татарстан Республикасы муниципаль берәмлекләренең социаль-икътисадый үсешенең традицион рейтингы формалаштырылды
Гомуми рейтингта гыйнвар-август айлары өчен беренче урынны Лаеш районы алды, икенче һәм өченче урында – Әлмәт һәм Түбән Кама районнары.
Әтнә муниципаль районы узган айда берьюлы 6 позициягә, Бөгелмә районы 5 позициягә күтәрелде. Рейтингта районнарның уңай динамикасы эшсезлек дәрәҗәсенең түбәнәюенә, файдалануга тапшырылган торак йортларның гомуми мәйданының артуына бәйле.
Быелның август ахырына теркәлгән эшсезләр саны 17,4 мең кешегә кадәр кимегән, эшсезлек дәрәҗәсе 0,86% ка кадәр кимегән. 37 муниципаль берәмлектә бу күрсәткеч республикадагы уртача күрсәткечтән түбән. Эшсезлекнең иң аз дәрәҗәсе Минзәлә (0,21%), Актаныш һәм Буа (0,24 %) муниципаль районнарында теркәлгән. Иң зур күрсәткеч Казан шәһәрендә (1,31%), Баулы (1,30%) һәм Нурлат (1,02%) муниципаль районнарында.
Җан башына исәпләгәндә, республика буенча төяп җибәрелгән продукция күләме 634,8 мең сум булган. Республика муниципаль берәмлекләре арасында иң югары күрсәткечне Әлмәт районы (4063,43 мең сум), Түбән Кама (1694,17 мең сум) һәм Яңа Чишмә (1499,86 мең сум) муниципаль районнары күрсәтә.
2021 елның 8 айлык нәтиҗәләре буенча Татарстан Республикасында җан башына исәпләгәндә 0,487 кв.метр гомуми торак мәйданы файдалануга тапшырылган. Җан башына туры килгән иң зур торак мәйданы Питрәч (3,905 кв.метр), Лаеш (2,801 кв.метр), Лаеш (2,801 кв.метр) һәм Биектау (2,262 кв.метр) муниципаль районнарында файдалануга тапшырылган.