Мидхәт Шаһиәхмәтов: икътисадый үсешне тәэмин итүнең стимуллаштыручы факторы – сәүдә базарларын һәм экспорт потенциалын киңәйтү
Бүген Казанда Татарстан Республикасы Икътисад министрлыгының «2020 елга нәтиҗәләр. 2021 елга бурычлар. Икътисадый үсешне тәэмин итү факторлары» темасына коллегия утырышы узды. Коллегия кысаларында Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов билгеләп үткәнчә, икътисадый үсешне тәэмин итүдә этәргеч факторы – сәүдә базарларын һәм экспорт потенциалын киңәйтү.
Тулаем республика буенча агымдагы елда экспорт күләме буенча максатчан параметр 10 млрд. доллар тәшкил итә.
2020 елда сәүдә базарын киңәйтү кысаларында эшкуарлар өчен онлайн-сәүдә аеруча актуаль булды. Хәзерге вакытта Озон, Вайлдберриз һәм Казанэкспресс кебек электрон сәүдә мәйданчыкларында республиканың 5 мең эшкуары үз эшчәнлеген алып бара, аларның гомуми әйләнеше 4,2 млрд.сум тәшкил итә. Агымдагы елда безнең алда аларны 2 тапкырга арттыру бурычы тора», – дип хәбәр итте икътисад министры.
Шуңа бәйле рәвештә эшкуарларга мәгълүмат бирү һәм аларның укыту чараларында катнашуын тәэмин итү дәрәҗәсе арттырылачак.