Татарстанның 600 артык социаль юнәлешле коммерциясез оешмасы өстәмә ярдәм чараларын алачак

Россия Икътисадый үсеш министрлыгы Социаль юнәлешле коммерциясез оешмалар реестрын формалаштырган, аларга өстәмә ярдәм чаралары күрсәтеләчәк. Анда 2017 елның 1 нче гыйнварыннан 2020 елның 1 нче апреленә кадәр федераль, төбәк һәм муниципаль программалар кысаларында субсидияләр һәм грантлар, Президент грантларын алган, шулай ук социаль хезмәтләр белән тәэмин итүчеләр һәм иҗтимагый файдалы чараларны башкаручылар булып торган оешмалар кертелгән. Татарстаннан исемлеккә 600 дән артык оешма эләккән.

Реестрга кертелгән оешмаларга 2% ташламалы кредитлар бирелергә мөмкин. Алынган акчаларны СЮ КО эшчәнлеген гамәлгә ашыруга, шул исәптән хезмәткәрләргә хезмәт хакы түләүне дә кертеп, яисә элек алынган кредитларны, шул исәптән хезмәт өчен процентсыз кредитны түли ала. Шул ук вакытта хезмәткәрләрнең 90% ким булмаган өлешен саклап кала алган оешмаларга кредит процентлары белән бергә гамәлдән чыгарыла – бөтен сумманы дәүләт түләячәк.

Реестрга кергән СЮ КО шулай ук бюджеттан тыш дәүләт фондларына иминият кертемнәрен, салымнар һәм салымнар буенча аванс түләүләрен башкару сроклары, НДСтан тыш, алты айга озайтыла. 2020 елның II кварталында түләнергә тиешле айлык аванс түләүләре өлешендә дә әлеге оешмалар салымнардан, салымнар буенча аванс түләүләреннән, оешмалар табышына салым буенча җыемнардан азат ителәчәк.

Мондый оешмалар өчен, шул исәптән, хәйрия эшчәнлегендә катнашу өчен салым стимулларын да киңәйтәчәкләр. Коммерциясез оешмаларга, шул исәптән акчаны да кертеп, түләүсез нигездә милек тапшырган компанияләр аларны табышка салым буенча салым базасын билгеләгәндә гамәлгә ашырылмаган чыгымнар составына кертә ала.

Ярдәм чаралары, шулай ук ярдәм алучылар исемлеге белән тулырак итеп РФ Икътисадый үсеш министрлыгы сайтында танышырга мөмкин.