Президент программасы кысаларында диплом проектларын яклау үтте

2019 елның 16 ноябрендә Казан дәүләт медицина университетында (ДМУ) «Сәламәтлек саклауда менеджмент» юнәлеше буенча Россия Федерациясе халык хуҗалыгы оешмалары өчен идарә кадрларын әзерләүнең Президент программасын тәмамлаучыларның диплом проектларын яклау узды.

Сәламәтлек саклау оешмаларының югары һәм урта буын җитәкчеләре булган унике чыгарылыш курсы студентлары Татарстан Республикасы сәламәтлек саклау системасын үстерүдә актуаль юнәлешләр буенча проект эшләрен тәкъдир иттеләр.

Дәүләт аттестация комиссиясе составына Казан ДМУ ректоры вазыйфаларын башкаручы, профессор А.С. Созинов; ТР икътисад министры урынбасары А. Д. Шәмсиев, ТР сәламәтлек саклау министры урынбасары И. Р. Фатыйхов, программа җитәкчесе, сәламәтлек саклауның региональ үсеше буенча проректор вазифаларын башкаручы, профессор А. В. Шулаев, КФУның Югары икътисад мәктәбе профессоры И. А. Киршин, Республика медицина оешмаларының югары җитәкче буын вәкилләре һәм җитәкчеләре керде.

Исегезгә төшерәбез, Президент программасы республикада инде 20 елдан артык гамәлгә ашырыла, шул вакыт эчендә гомумән алганда 2600 идарәче белем алган. Казан ДМУ Президент программасы чикләрендә проектларны эшләүгә юнәлдерелгән «Сәламәтлек саклауда менеджмент» юнәлеше буенча сәламәтлек саклау оешмалары җитәкчеләрен һөнәри яңадан әзерләүне тормышка ашыра. Ул «Икътисад һәм идарә» белгечлекләр төркеме һәм юнәлешләре кысаларында менеджерларны югары квалификацияле профессиональ яктан яңадан әзерләүне күздә тота.

Әлеге программа кысаларында укыту сәламәтлек саклау өлкәсендә идарә кадрларын сәламәтлек саклауны модернизацияләү чараларын нәтиҗәле гамәлгә ашыруны тәэмин итү, икътисадның бюджет секторын реформалау, учреждениеләрне дәүләт йөкләмәсе буенча эшкә күчерү, шулай ук халыкка медицина хезмәтләренең үтемлелеген һәм сыйфатын арттыруга юнәлдерелгән социаль өлкәне модернизацияләү өчен идарә итүнең заманча технологияләренә өйрәтүгә юнәлтелгән махсус эшләнгән уку курслары нигезендә тормышка ашырыла.