«Иннополис» нигезендә асылмалы юлларга хезмәт күрсәтү буенча инженерлар әзерләргә планлаштыралар
Leitner GmbH Италия-Австрия финанс-сәнәгать төркеме вәкилләре белән очрашуда Татарстанның Югары Ослан районында канатлы юлларга хезмәт күрсәтү буенча белгечләрне укыту өчен проект үзәген ачу мөмкинлеге турында фикер алыштылар.
Татарстан Икътисад министрлыгында Leitner GmbH Италия-Австрия финанс-сәнәгать төркеме һәм Россиянең турыдан-туры инвестицияләр фонды вәкилләре белән очрашу узды.
Чит ил инвесторлары белән республиканың транспорт инфраструктурасы объектларына, аерым алганда, «Корстон – Казан Арена» һәм «Казан – Югары Ослан» ДТРК юлларын төзүгә турыдан-туры инвестицияләр мәсьәләләре буенча фикер алыштылар. Фуникулерларны җибәрү 2019 елга Татарстан Республикасының «Инвестицион меморандум» өстенлекле проектлары исемлегенә кертелгән.
Моннан тыш, партнерлар Татарстанның Югары Ослан районында Leitner төркеменең проект үзәген ачу, Россия Федерациясендә һәм БДБдә автоматлаштырылган юллардан файдалану өчен белгечләр әзерләү мөмкинлеге, Татарстан Республикасында терәк компонентлары һәм металл конструкцияләрен җитештерүне локальләштерү, шулай ук БДБ һәм Якын Көнчыгыш илләрендә продукцияне уртак экспортлау перспективалары буенча фикер алыштылар.
«Иннополис» махсус икътисадый зонасы территориясендә алдынгы дөнья ширкәтләре катнашында инновацион проектларга ярдәм итү буенча дәүләт чаралары эшләп килә. «Иннополис» университеты инженер кадрлар әзерләүне гамәлгә ашыра, бу Leitner проект үзәге эше өчен уңайлы булырга мөмкин», - дип билгеләп үтте ТР икътисад министры Фәрит Габделганиев.
Исегезгә төшерәбез, ТР Президенты Рөстәм Миңнеханов 2018 елның апрелендә Төркиягә рәсми визитыннан соң җәмәгать транспортының республика инфраструктурасын модернизацияләү һәм үстерү проектларын гамәлгә ашыруны боерды. Ул вакытта Татарстан делегациясенә Әнкарада эшләп килүче «Йенимахалле-Шентепе» пассажирлар арасы юлы тәкъдир ителде. Республика Хөкүмәтендә ведомствоара эш төркеме төзелде һәм Татарстанда канат юлларын төзү проектларын гамәлгә ашыру буенча «Юл картасы» расланды. Проектның партнерлары булып архитектура һәм инженерлык тикшеренүләр өлкәсендә эшләүче «Гулливер «фәнни-җитештерү берләшмәсе (Казан) һәм дөньяда канатлы юллар җитештерү өлкәсендә әйдәп баручы булган Leitner финанс-сәнәгать төркеме билгеләнде.