Икътисад министрлыгы ветераннарын Халыкара олылар көне белән котладылар

2012 елның 1 октябре, дүшәмбе
1 нче октябрь көнне Икътисад министрлыгында озак еллар буе барлык көчләрен Татарстан Республикасының социаль-икътисадый үсешенә түккән ветераннарны Халыкара олылар көне белән котладылар. Бу көнне министрлыкта алар өчен концерт программасы белән бәйрәм табыны оештырылды. Ветераннарны министр һәм бар коллектив исеменнән министрның беренче урынбасары Сәрия Сираҗиева тәбрикләде.
Очрашу табигый, иркен шартларда узды. Уртак эшләрне, бергә узган хезмәт юлларын искә алып күп кенә җылы сүзләр әйтелде. Ветераннарның барысына да азык-төлекләрдән җыелган күчтәнәч өләштеләр. Юбилярларга чәчәкләр һәм истәлекле бүләкләр тапшырылды. Кунаклар җылы һәм күңелле бәйрәм оештырган өчен зур рәхмәтләрен белдерделәр.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International