Дмитрий Медведев «Сочи-2012» форумында Татарстан стендын карады
Бүген Россия Федерациясе Премьер-министры Дмитрий Медведев “Сочи-2012” XI Халыкара инвестицион форумында Татарстан стендын карады.
Татарстан Республикасы стендында булачак IT-университеты кампусы һәм Иннополис торак йорты макетлары тәкъдим ителгән.
Дмитрий Медведев уникаль видеостендта Иннополис инфраструктурасының виртуаль проектын җентекләп карады.
Россия Федерациясе Премьер-министры тәкъдим ителгән Татарстан проектларына югары бәя бирде. “Бу бик матур урында урнашкан искиткеч шәһәр булачак”, - дип белдерде Дмитрий Медведев.
Рөстәм Миңнеханов шулай ук Дмитрий Медведевка Казанда Ан-70 транспорт самолетлары производствосын булдыру буенча йөкләмәсе үтәлеше турында белдерде. Искәртәбез, “Сочи-2012” ХI Халыкара инвестиция форумында Рөстәм Миңнеханов җитәкчелегендә
Татарстан делегациясе катнаша. Делегация составында икътисад министры Мидхәт Шаһиәхмәтов та бар.
Татарстан Республикасы Хөкүмәтенең рәсми порталы материаллары буенча