Алабугада Бөтенроссия Спас ярминкәсе ачылды
Алабугада Шишкин буаларында өч көн дәвам итәчәк XII Бөтенроссия Спас ярминкәсе ачылды.
Чараның тантаналы өлешендә Татарстан икътисад министры Фәрит Габделганиев катнашты.
Спас ярминкәсе Алабуганың үзенчәлекле брендына, Россиянең барлык почмакларыннан йөзләгән мең турист килә торган бәйрәменә әверелде.
Быел ярминкәгә 650 оста теркәлгән.
Илнең 40 төбәгеннән, шулай ук Беларусьтан һәм Литвадан зәркән бизәнү әйберләре, милли киемнәр, керамика, металлдан челтәрләр, лык эшләнмәләре һәм башка бик күп әйберләр алып китереләчәк.
Ярминкәдә авыл хуҗалыгы тармагы һәм эшкәртү сәнәгате оешмалары, халык кулланышы товарлары җитештерүчеләр продукциясе тәкъдим ителгән, шулай ук күп санлы балалар һәм спорт мәйданчыклары, авыл хуҗалыгы йортлары, рестораннар һәм кафелар эшли.
Узган ел Алабугада өч көн эчендә Спас ярминкәсенә 218 меңнән артык кеше килгән, бу исә шәһәрдә яшәүче халык саныннан 2,5 тапкырга күбрәк дигән сүз.