Татарстанда экспорт акселераторын эшләтеп җибәрәчәкләр
Экспортка чыгарга планлаштыручы ширкәтләр комплекслы белем бирү программасына керү мөмкинлеген һәм проектларының эксперт бәяләвен алачак.
Татарстан Республикасы Эшкуарлыкка ярдәм итү фонды, KPMG халыкара компаниясе белән берлектә, быел август-сентябрь айларында беренче тапкыр, Татарстан Республикасының кече һәм урта бизнес субъектлары өчен, чит ил базарларына чыгу өчен, «Экспорт акселераторы» программасын үткәрәчәк.
Акселераторның төп программасы 2019 елның 26 августыннан 21 сентябренә кадәр Казан шәһәрендә үткәреләчәк. 23 сентябрьдән 15 октябрьгә кадәр Казанда, Әлмәттә һәм Яр Чаллыда өстәмә мастер-класслар уздырылачак.
Яшь экспортерлар өчен акселерация программасы КУЭ субъектларының экспорт эшчәнлеген тизләтелгән үстерүгә юнәлдерелгән һәм белем бирү чараларын уздыруны үз эченә ала.
Программа нәтиҗәләре буенча потенциаль экспортерлар ачыкланачак, алар өчен импортерлар эзләнәчәк, коммерция тәкъдиме формалаштырылачак, экспорт контрактларына экспертиза үткәреләчәк һәм KPMG ширкәте аларны озата барачак.
Акселерация программасы КУЭ субъектларында экспорт эшчәнлеген алып бару өчен комплекслы аңлау һәм структур методлар формалаштырырга мөмкинлек бирәчәк. Боларның арасына базарны сайлау, логистик маршрут хисабы, юридик һәм финанс куркынычларны минимальләштерү керә.
Укытуда элек экспортны башкармаган, әмма экспорт потенциалына ия булган КУЭ субъектлары катнаша ала.
Акселераторның барлык катнашучылары өчен KPMG компаниясе тарафыннан белем бирү вакытында да, турыдан-туры экспорт эшчәнлегенә әзерлек этапларында да эксперт ярдәме күрсәтеләчәк.
Акселераторда катнашу өчен, 2019 елның 8 августына кадәр, сылтама буенча анкета тутырырга кирәк https://anketolog.ru/s/244876/0RHdnnY5.
Россия Икътисадый үсеш министрлыгы мәгълүматлары буенча, элегрәк Россия Федерациясе Президенты каршындагы Стратегик үсеш һәм милли проектлар советы президиумы утырышында тәкъдим ителгән Татарстан Республикасы кече һәм урта эшкуарлык экспортын үстерү буенча Идел буе федераль округы төбәкләре арасында лидерлар арасына керде.
Татарстанның Төп экспорт партнерлары булып, гадәттәгечә, Көнбатыш Европа һәм БДБ илләре тора. Шулай ук 2018 елда яңа юнәлеш буларак Фарсы култыгы илләре (БГӘ, Бәһрәйн һәм башкалар) ачылды.
Әгәр сездә сораулар бар икән аларны email аша да юлларга мөмкин: exportaccelerator@kpmg.ru.