Татарстан оешмалары "2018 елның иң яхшы тәэмин итүчесе" исеменә дәгъва итә ала
Татарстанның сатып алулар өлкәсен тауарлар, эшләр һәм хезмәтләр белән тәэмин итүче компанияләре, оешмалары "2018 елның иң яхшы тәэмин итүчесе" конкурсында катнашырга чакырыла. Гаризалар түбәндәге электрон почтага: konkurs @forum-goszakaz.ru яки әлеге почта адресы буенча кабул ителә: 101000, Мәскәү, Колпачный тыкрыгы, 4 йорт, 3 кор.("Мәскәү эшкуарлар ассоциациясе" Төбәкара иҗтимагый оешмасының Дәүләт заказы һәм эшкуарлыкны үстерү комитеты). Хатта темасын күрсәтү зарур: "Конкурска".
Заявкада түбәндәге мәгълүматлар булырга тиеш:
- дәгъвачының тулы атамасы, юридик адресы һәм башка реквизитлары, шул исәптән җитәкчесенең Ф.И.О., телефон номерлары һәм башка элемтә мәгълүматлары;
- дәүләт ихтыяҗлары өчен тәэмин ителә торган һәм тәкъдим ителгән тауарлар, эшләр һәм хезмәтләргә кыскача тасвирлама;
- сумнарда гомуми бәясен күрсәтеп, төзелгән һәм үтәлгән (заказчы ягыннан неустойка кулланудан тыш) контрактларның (44-ФЗ нигезендә), шулай ук сумнарда гомуми бәясен күрсәтеп, шартнамәләрнең (223-ФЗ нигезендә) гомуми саны.
- 2018 елда оешма катнашкан сатып алу процедураларының гомуми саны: 44-ФЗ буенча сумнарда гомуми санын күрсәтеп, шулай ук 223-ФЗ буенча сумнарда гомуми санын күрсәтеп.
- 2018 елда дәүләт, муниципаль һәм корпоратив заказчылардан алынган бәяләмәләр, рәхмәт хатлары, грамоталар, дипломнар һ.б.лар саны.
Эштә түбәндәгеләр бәяләнәчәк:
- төзелгән һәм үтәлгән (заказчы ягыннан неустойка кулланудан тыш) контрактларның (44-ФЗ нигезендә), шулай ук шартнамәләрнең (223-ФЗ нигезендә) гомуми саны һәм суммасы.
- 44-ФЗ һәм 223-ФЗ буенча 2018 елда оешма катнашкан сатып алу процедураларының гомуми саны һәм суммасы;
- 2018 елда дәүләт, муниципаль һәм корпоратив заказчылардан алынган бәяләмәләр, рәхмәт хатлары, грамоталар, дипломнар һ.б.лар саны.
Конкурс сайлап алуы 2019 елның 4 мартына кадәр үткәрелә.
Нәтиҗәләрне игълан итү һәм җиңүчеләрне бүләкләү "Дәүләт заказы - Гадел сатып алулар өчен" форум-күргәзмәсе кысаларында булачак.
Конкурс нигезләмәсе белән әлеге сайтта танышырга мөмкин: https://forum-goszakaz.ru/contest-suppliers.html.
Конкурсны Россия Федерациясе Сәүдә-сәнәгать палатасы һәм "Мәскәү эшкуарлар ассоциациясе" Төбәкара иҗтимагый оешмасы оештыра.
ТР Икътисад министрлыгы матбугат хезмәте