ЯҢАЛЫКЛАР

Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгында министр Айрат Шәфигуллин, ТР икътисад министры Мидхәт Шагиәхмәтов катнашында “Татарстан Республикасының 2030 нчы елга кадәр социаль-икътисади үсеше стратегияләре” турында фикер алышу буенча киңәшмә уздырылды. Әлеге чарада “Татарстан-2030” проектын эшләгән эскпертлар: “Татарстан-2030” проекты фәнни җитәкчесе, Лентьев үзәге каршындагы стратегик планлаштыру ресурс үзәге директоры, икътисад фәннәре докторы, профессор Борис Жихаревич, Казан дәүләт медицина университетының икътисад теориясе һәм социаль хезмәт кафедрасы мөдире Маргарита Максимова, “Татарстан-2030” проекты җирле офисы җитәкчесе урынбасары Елена Макарова да катнашты.

Ике елдан Казан янында, Татарстанның Лаеш районында InPark муниципаль дәрәҗәдә шәхси индустриаль парк эшли башлый. Яңа мәйданчык нигезенә таш салу тантанасында бүген Татарстан Республикасы Президенты Рөстәм Миңнеханов катнашты.
Проектның инвесторы – DoorHan компанияләр төркеме. Компания эшчәнлегенең төп юнәлеше – автоматлаштырылган ишекләр һәм капкалар җитештерү. DoorHan компаниясенең Россиядә, шул исәптән Лаеш районында, Чехия һәм Кытайда производстволары бар. Кытайның Сучжоу шәһәр округында инде күп еллар дәвамында муниципаль дәрәҗәдә индустриаль парк мәйданнарында компаниянең заводы эшли. Андагы тәҗрибәне DoorHan Россиядә дә шундый технопаркларны оештыруда кулланырга җыена.
DoorHan КТ гендиректоры Александр Ханин сүзләренчә, индустриаль паркларны оештыру – компания өчен яңа юнәлеш, беренче проектының урыны итеп Татарстанны DoorHan, инвестицион климатның уңай булуы аркасында, сайлаган.
25 гектар җирдә технопаркның 90 мең квадрат метр мәйданлык өч бинасы урнашачак. 2016 елның дүртенче кварталында 18 мең квадрат метрлык беренче бинаны ачу планлаштырыла. Алга таба мәйданнар тула бара ике ел саен яңа биналарны гамәлгә кертү планлаштырыла.
Проектның гомуми бәясе – миллиард сумнан артык, барлык акчаны компания, башка инвесторларны җәлеп итмичә, үзе кертәчәк. Александр Ханин сүзләренчә, беренче чират 300 млн сумлык булачак.

Безнең конкуренциягә сәләтебез, икътисадның киләчәк үсеше энергиянең нәтиҗәлелегенә, энергияне сак тотуның хәзерге заман технологияләрен куллануга бәйле. Бүген бу хакта Татарстан Республикасы Президенты Рөстәм Миңнеханов Дания Корольлегенең Россия Федерацияседәге Гадәттән тыш һәм Тулы вәкаләтле Илчесе Томас Винклер белән очрашуда хәбәр итте.
Очрашу «Корстон» кунакханә комплексында «Данфосс –Татарстан тәҗрибәсе һәм мисаллары» энергияне сак тоту технологияләре буенча конференция эшен башлар алдыннан узды.

Эшкуарлыкка ярдәм итү үзәге «Рецессия шартларында бизнесның үсеше» исеме астында узган түгәрәк өстәлдә катнашты.

Бизнес форусда Эшкуарлыкка ярдәм итү үзәгенең җитәкчесе урынбасары Лариса Парфёнова катнашты.

«Түгәрәк өстәл» барышында икътисадның макрокүрсәткечләренең бизнеска йогынтысы һәм башка сораулар каралды.

Бүген Әлмәттә Татарстан Республикасы Президенты Рөстәм Миңнеханов җитәкчелегендә "Татнефть" ААҖнең чираттагы Директорлар советы утырышы узды. Утырышта 2014 елның дүрт ае дәвамында "Татнефть" ААҖ бюджеты үтәлеше нәтиҗәләре каралды, агымдагы елның июнь аена бюджет билгеләнде, Компаниянең агымдагы елның беренче кварталы буенча финанс-хуҗалык эшчәнлеге йомгаклары ясалды.
Бу елның беренче өч аенда "Татнефть" нефть чыгару урыннарында 6 млн. 453 мең тонна нефть чыгарылган. Финанс-хуҗалык эшчәнлеге нәтиҗәсе буенча салымнарны түләгәнче 30,8 миллиард сум тәшкил итте. Чиста табыш, үткән елның шул ук дәвере белән чагыштырганда, 6,2 млрд. сумга артты һәм 24,4 млрд. сум тәшкил итте.

Бүген ТР Президенты Рөстәм Миңнеханов рәиселегендә Әлмәттә “Татнефть” ААҖнең төп офисында 2014 нче елның I кварталында кече нефть компанияләренең эшчәнлек нәтиҗәсе һәм алдагы үсеш перспективалары буенча киңәшмә уздырды.

Киңәшмәдә республика министрлыклары һәм ведомстволары, федераль органнарның территориаль структуралары, ТР муниципалитетлары, “Татнефть” компаниясе җитәкчеләре катнашты.

“Украина тирәсендәге халыкара вакыйгалар уңаеннан, икътисадтагы вазгыять гади түгел”, - диде киңәшмәне ачканда Рөстәм Миңнеханов. Аның сүзләренчә, бу Европа һәм Америка коллегалары белән мөнәсәбәтләргә йогынты ясаячак. Ил җитәкчелеге Көнчыгышта партнерлык мөнәсәбәтләрен эзли, Кытайда күп килешүләр төзелгән, шул исәптән нефть, газ өлкәсендә. Ләкин көнбатыш партнерлар белән мөнәсәбәтләрне сакларга кирәк, шул ук вакытта санкцияләр очрагында запас вариант булырга тиеш.

«Татарстан Республикасы Предприятиеләре һәм эшкуарлары ассоциациясе» эш бирүчеләрнең региональ берләшмәсе Татарстан икътисадын үстерүдә мөһим звено булып тора. Мондый фикерне бүген Татарстан Республикасы Президенты Рөстәм Миңнеханов ассоциациянең Казанда узган хисап-сайлау җыелышында әйтте. Анда шулай ук Татарстан Республикасы Дәүләт Советы Рәисе Фәрит Мөхәммәтшин, Казан мэры Илсур Метшин, республика министрлыклары һәм ведомстволары, эре предприятиеләре җитәкчеләре катнашты.

Башта ассоциация президенты Александр Лаврентьев WorldSkills Russia эшче белгечлекләре буенча Казанда уздырылган чемпионатны оештыруда ярдәм күрсәткән өчен республика предприятиеләренә рәхмәт белдерде.

Бүген Мидхәт Шагиәхмәтов ТР Хөкүмәте Йортында брифингта катнашты. Брифинг XVIII Петербург халыкара икътисадый форумы нәтиҗәләре буенча узды.
Анда шулай ук ТР Премьер-министры урынбасары – ТР сәнәгать һәм сәүдә министры Равил Зарипов, ТР Премьер-министры урынбасары – ТР Мәгълүматлаштыру һәм элемтә министры Роман Шәйхетдинов һәм ТР Инвестицион үсеш агентлыгы җитәкчесе Линар Якупов катнашты.

Бүген ТР Министрлар Кабинеты каршындагы Икътисади совет утырышында Россиянең Бөтендөнья сәүдә оешмасына керүе Татарстан икътисадына ничек йогынты ясаганлыгы турында сөйләштеләр, дип хәбәр итә ТР Президенты матбугат хезмәте.
ТР Хөкүмәте Йортыда барлык муницпаль районнар белән видеоконференцэлемтә режимында узган чарада ТР Президенты Рөстәм Миңнеханов, РФ Икътисади үсеш министрлыгының Сәүдә буенча сөйләшүләр департаменты директоры Максим Медведков катнашты.
2013 нче елда экспортка юнәлгән товар җитештерүчеләренең эшчәнлек мониторингы нәтиҗәләре һәм ТРның социаль әһәмиятле товарлары турында Федераль дәүләт статистикасы хезмәтенең ТР буенча территориаль органы җитәкчесе Валерий Кандилов хәбәр итте. Ул, аерым алганда, 2012 нче ел белән чагыштырганда, 2013 нче елда ТРда товарлар импортының үзгәрешен бәян итте.

Бүген ТР Икътисад министрлыгында РФ Икътисади үсеш министрлыгының Сәүдә буенча сөйләшүләр департаменты директоры Максим Медведков белән очрашу узды. Очрашуда ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов һәм ТР ДСның Икътисад, инвестицияләр һәм эшкуарлык комитеты рәисе Марат Галиев катнашты.
РФ Икътисади үсеш министрлыгының Сәүдә буенча сөйләшүләр департаменты директоры Максим Медведков БСО шартларында икътисади вазгыятькә кыскача характеристика бирде.