ЯҢАЛЫКЛАР

Бүген Казанның ИТ-паркында “Кластерлар үсеше өчен партнерлык” халыкара конференциясе уздырыла.
Түгәрәк өстәлләрдә экспертлар һәм тәҗрибәле хезмәткәрләр дәрәҗәсендә төбәк инновацион кластерларының формалашу этабындагы уңышлар һәм проблемалар, шуларга кагылышлы төрле мәсәләләр уртага салып сөйләнелде.
АИРР Башкарма директоры Иван Бортник чит ил коллегаларына, катлаулы сәяси хәлләргә карамастан, конференциягә килүләре өчен рәхмәт белдерде. Аның сүзләренчә, Россия инновацион регионнары ассоциациясе Европа илләре һәм АКШ компанияләре белән актив эш алып бара.
Пленар утырышта инновацион кластерлар булдыру тәҗрибәсе белән уртаклашып, Франциядән, Германиядән, башка илләрдән килгән кунаклар чыгыш ясады. Шулай ук Россия инновацион регионнары ассоциациясе әгъзалары да үз фикерләре белән уртаклаштылар. Бүген конференция кысаларында тематик түгәрәк өстәлләр һәм эшкуарлар өчен адреслы очрашулар уздырылачак.

Бүген Казан ИТ-паркында “Кластерларны үстерү өчен партнерлык” халыкара конференциясе үз эшен башлады. Конференциянең пленар утырышында Татарстан Республикасы Президенты Рөстәм Миңнеханов катнашты.
“Кластерларны үстерү өчен партнерлык” халыкара конференциясе Россия Икътисадый үсеш министрлыгы ярдәмендә Россия инновацион регионнары ассоциациясе белән берлектә оештырылды, аның максаты – территориаль инновацион кластерларны, регионнарның конкуренциягә сәләтен арттыру коралы буларак, өйрәнү һәм киләчәктә Россия һәм Европа регионнарының партнерлыгын һәм инновацион кластерларын үстерү.
Конференция эшендә берничә Европа регионы делегациясе катнаша.

2014 елның 17 нче апрелендә Татарстан Республикасы Икътисад министрлыгында «Татарстан Республикасы Гарантия фонды» коммерциячел булмаган оешманың Попечительләр советы утырышы узды. Утырышны Татарстан Республикасы икътисад министры урынбасары – Эшкуарлыкка ярдәм күрсәтү департаменты башлыгы Рөстәм Сибгатуллин алып барды. Утырыш барышында Гарантия фондының беренче йөкләмә алынган көннән бер ел дәвамындагы эшчәнлеге буенча хисап тыңланды., Инвестиция декларациясенә, «Татарстан Республикасы Гарантия фонды» коммерциячел булмаган оешма йөкләмәләрен бирү тәртибенә, банк депозитларында «Татарстан Республикасы Гарантия фонды» коммерциячел булмаган оешмасының ирекле средстволарын урнаштыруга ачык конкурс үткәрү тәртибенә һәм финанс-хуҗалык эшчәнлеге планына үзгәрешләр кертү мәсьәләләрен тикшерделәр.

Бүген сәгать 9да Казандагы ИТ-паркта “Кластерлар үсеше өчен партнерлык” халыкара конференциясе башланып китте. Конференциянең пленар утырышы башланганчы, ТР Президенты Рөстәм Миңнеханов әлеге чарада катнашучылар, килгән кунаклар белән очрашты, катнашулары өчен аларга рәхмәтен белдерде.

Бүген Казанның ИТ-паркында “Кластерлар үсеше өчен партнерлык” халыкара конференциясе уздырыла. Россиянең Икътисади үсеш министрлыгы булышлыгы белән Россия инновацион төбәкләре ассоциациясе оештырган әлеге чараның пленар утырышында ТР Президенты Рөстәм Миңнеханов та катнашты. Конференция әле иртәгә дә дәвам итәчәк.
Бизнес, университетлар, төбәкләрнең инновация инфраструктуралары арасында үзара партнерлык мөнәсәбәтләре урнаштыруны максат итеп куйган бу вакыйганың пленар утырышында Европа төбәкләреннән килгән көчле кластер ияләре дә, шулай ук фәнни һәм технологик паркларда эшләүчеләр, кече һәм урта эшкуарлык үзәкләреннән килүчеләр дә чыгыш ясады. Россия ягыннан әлеге чарада Россия инновацион төбәкләре ассоциациясенә керүче 13 вәкил, федераль министрлыклар, тармак министрлыклары һәм республика муниципалитетлары, төбәкләрдәге инновацион инфраструктураларның, университет, үсеш институтларының җитәкчеләре катнашты. Конференция кысаларында Кама инновацион территориаль җитештерү кластеры презентацияләнде

Алар 22-25 нче апрельдә уза
Татарстанда 22-25 нче апрельдә министрлар урынбасарлары өчен бер көнлек дүрт семинар оештырылган.
Укыту “Идарәдә җаваплылык, социаль җаваплылык”, “Нәтиҗәлелек белән идарә итү”, “Нәтиҗәле коммуникацияләр. Командалык”, “Системалы караш. Үзгәрешләр кертү” темалары буенча уздырыла. Бу хакта ТР Президенты матбугат хезмәте хәбәр итә.
Укыту форматы – тренинглар. Катнашучылар кечкенә төркемнәрдә аерым компетенцияләрне үстерү механизмнары белән таныша, аларны куллану күнекмәләрен эшли. Тренерлар буларак, программаны Россиянең алдынгы вузлары укытучылары уздыра. Нәтиҗәдә, җитәкчеләр укуны узу турында сертификатлар, мөстәкыйль рәвештә өйрәнү өчен әдәбият белән флеш-карталар алачак.

2014 елның 22 нче апрелендә Россия Федерациясе социаль-икътисадый үсешенең Россия Федерациясе Президенты тарафыннан билгеләнгән максатчан күрсәткечләрен мониторинглау буенча Россия Федерациясе Президенты каршындагы Комиссиянең эшче төркеме утырышы булды. Утырышта Россия Федерациясе Президентының 2012 елның 7 маендагы 596-606 номерлы указларында каралган Россия Федерациясе Президенты йөкләмәләренең, шулай ук эшче төркемнең аңа кадәрге карарларының үтәлеше тикшерелде.