ЯҢАЛЫКЛАР

Бүген Казанда Татарстан Республикасы Президенты Рөстәм Миңнеханов Иран Ислам Республикасы Милли иминлек советы Секретаре урынбасары Реза Сәйфуллахи белән очрашты. Очрашуда шулай ук Татарстан Республикасы Премьер-министры урынбасары – сәнәгать һәм сәүдә министры Равиль Зарипов, Татарстан Республикасы Президентының халыкара мәсьәләләр буенча киңәшчесе Радик Гыйматдинов катнашты.
Реза Сәйфуллахи Казанда Иминлек мәсьәләләрен алып баручы югары вәкилләрнең V халыкара очрашуында катнаша. Иран Милли иминлек советы Секретаре урынбасарын сәламләп, Татарстан Президенты билгеләп үткәнчә, республика җитәкчелеге Россия-Иран мөнәсәбәтләре кысаларында Ислам Республикасы белән Татарстан Республикасы арасындагы хезмәттәшлекне югары бәяли. Мөнәсәбәтләр үсешендә Иранның Казандагы Генераль консуллыгы да зур роль уйный. Яклар берничә мәртәбә делегацияләр алмаштылар, 2011 елның декабрендә Тегеранга визиты барышында Рөстәм Миңнеханов шул вакыттагы Иран Президенты Мәхмүд Әхмәдиниҗад белән очрашкан.

Татарстан Республикасы территориясендә «Иннополис» һәм «Смарт Сити Казан» инновацион проектларын гамәлгә ашыру турында бүген Иминлек Советы Секретаре Николай Патрушевка һәм Идел бу федераль округында Россия Федерациясе Президентының Тулы вәкаләтле вәкиле Михаил Бабичка сөйләделәр.
Проектларны Иминлек мәсьәләләрен алып баручы югары вәкилләрнең V халыкара очрашуы кысаларында тәкъдир иттеләр (ГТРК «Корстон» КСКК, Казан).
Кунакларны Татарстан Республикасы Президенты Рөстәм Миңнеханов озата йөрде.

Бүген Казанда Россия Федерациясе Президентының Идел буе федераль округында Тулы вәкаләтле вәкиле Михаил Бабич җитәкчелегендә узган киңәшмәдә “Имин шәһәр” программа-аппарат комплексын үстерү перспективалары турында фикер алыштылар. ТР буенча ЭЭМ базасында узган киңәшмәдә Татарстан Республикасы Президенты Рөстәм Миңнеханов катнашты.
Киңәшмә башланыр алдыннан Михаил Бабичка “Имин шәһәр” системасын эшләтеп күрсәттеләр. Татарстан Республикасы буенча ЭЭМ дежур частендә Россия Федерациясе Президентының Тулы вәкаләтле вәкиле хезмәткәрләрнең бөтен республика буенча видеокүзәтү камераларыннан сурәтләрне тикшерүләрен карап торды. Монда полициядә мөрәҗәгатьләрне теркәүнең бердәм системасы операторлары эшли – Татарстанда эчке эшләр органнарына кергән барлык мөрәҗәгатьләр шушы системага кертелә.

Бүген кич белән Казанга КХР партия ҮК политбюросы әгъзасы, ККП ҮКның сәяси-юридик комиссиясе секретаре Мэн Цзянчжу эшлекле очрашуга килде.

Казанның халыкара аэропортында Мэн Цзянчжуны Татарстан Премьер-министры Илдар Халиков, ТР Премьер-министрының беренче урынбасары Алексей Песошин һәм башка рәсми затлар каршы алды.

Искә төшерәбез, Мэн Цзянчжу һәм КХРның башка вәкилләре Татарстанга куркынычсызлык мәсьәләләрен алып баручы дәрәҗәле вәкилләрнең V халыкара очрашуында катнашу өчен килде (бу чара Казанда 2014 елның 19 июнендә “Корстон”да узачак).

Бүген перспективалы социаль-икътисади үсеш палатасында Татарстан Республикасының социаль-икътисади үсеш прогнозы ясау буенча ведомствоара эшче группасының күчмә утырышы булды. Утырышны АМР башлыгы урынбасары Зөлфия Сөнгәтуллина үткәрде.

Киңәшмә барышында 2015-2017 елларга предприятиеләрнең җитештерү-хуҗалык эшчәнлеге прогнозы каралды.

Татарстан Республикасы Икътисад министрлыгының «Лицензияләштерү» бүлегендә Дистанцион укуларның бишенче дересе урнаштырылган.

Бүген Казан Кремлендә «Түбән Кама нефть химиясе» ААҖ белән CNCEC (Кытай милли химик-инжиниринг компаниясе) компаниясе арасында үзара аңлашу турында меморандумга имза салынды. Документка «Түбән Кама нефть химиясе» ААҖ генераль директоры Азат Бикмурзин һәм CС7 компаниясе идарәсе рәисе Су Фуцян имза салды.
Имза салу тантанасында КХРның РФдәге Гадәттән тыш һәм Тулы вәкаләтле Илчесе Ли Хуэй һәм Татарстан Республикасы Президенты Рөстәм Миңнеханов катнашты.
Чара Ли Хуэй һәм Рөстәм Миңнеханов очрашуы кысаларында уздырылды.

Бүген Казан синтетик каучук заводы территориясендә яңа проектка башлангыч бирелде. Аның асылы ил сәнәгатенең ихтыяҗын канәгатьләндерү өчен кремнийорганик материаллар (ягъни, силикон) производствосына старт бирүдән гыйбарәт. Шул рәвешле, безнекеләр импорт рәвешендә керә торган силиконны үзебездә җитештерергә ниятли. “КЗСК-Силикон” яңа заводы төзелеше башлану хөрмәтенә бүген завод территориясендә истәлек билгесе ачылды. Тантанада Татарстан Президенты Рөстәм Миңнеханов, Россия Сәнәгать һәм сәүдә министры Денис Мантуров, ТР Премьер-министры Илдар Халиков, “Внешэкономбанк” (Үсеш һәм тышкы икътисади эшчәнлек банкы) дәүләт корпорациясе идарәсе рәисе Владимир Дмитриев, ТР вице-премьеры – сәнәгать һәм сәүдә министры Равил Зарипов, “Казан синтетик каучук заводы” идарәсе рәисе Евгения Даутова һәм башкалар катнашты.
Проектның гомуми бәясе 9,8 млрд сум күләмендә дип бәяләнә. Аның 7,8 млрд сумын кредит рәвешендә “Внешкэномбанк” бирсә, калган 2 млрд сумы – предприятие хисабына. Шул рәвешле, “КЗСК – Силикон” заводы елына 40 мең тонна тәшкил иткән проект куәтлелегенә чыккач, Россия компанияләре үзебезнең чималга күчәчәк, дип фаразлана. Кремнийорганик мономер – метилхлорсилан исемле материалның 20 проценты белән чимал сыйфатында Казан синтетик каучук заводы тәэмин ителәчәк, калганы базарга юл тотачак. Предприятиедә 755 эш урыны булдырылачак.

Россиянең оборона-сәнәгать комлпексы продукциясендә чит ил комплект өлешләрен үз илебездә җитештерелгән аналоглары белән алыштыру перспективалары турында бүгенге киңәшмәдә сөйләштеләр, аны РФ сәнәгать һәм сәүдә министры Денис Мантуров уздырды. Киңәшмәдә шулай ук Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, Татарстан ОСК предприятиеләре җитәкчеләре катнашты. Чара “Казан вертолет заводы” ААҖдә үткәрелде.
Киңәшмә башланыр алдыннан хөрмәтле кунаклар “КВЗ” ААҖнең ахыргы җыю цехында булдылар. Биредә Денис Мантуров һәм Рөстәм Миңнеханов “Ми-8”, “Ми-17”, “Ансат” вертолетларын, шулай ук яңа авыр вертолет прототибы “Ми-38”не дә карадылар.

Бүген Россия Федарациясе Сәнәгать һәм сәүдә министры Денис Мантуров Казанда Симонов исемендәге тәҗрибә- конструкторлык бюросы эшләнмәләре белән танышты. Аны Татарстан Республикасы Президенты Рөстәм Миңнеханов озата йөрде.
«М.П. Симонов ис. ТКБ» ААҖ ФҖБ башта спорт авиациясенең тәҗрибә-конструкторлык бюросы буларак барлыкка китерелгән иде. Бу бюро Михаил Петрович Симонов җитәкчелегендә төзелгән иде, ул соңыннан Сухогой ТКБ генераль конструкторы, Су-27 очкычларын уйлап табучы һәм гамәлгә ашыручы булды. 60 нчы еллардан алып ТКБ очучысызлык тематикасы белән шөгыльләнде. Предприятиедә МиГ-19, МиГ-21, Миг-23, Л-29, Ла-17ММ очучылы самолётлар базасында һава мишеньнәре эшләнде. 90 нчы еллардан соң предприятие бу теманы актив рәвештә тормышка ашыра башлады һәм 2009 елда һава мишеньнәрен һәм «Дань» модернизацияләнгән комплексын дәүләт дәрәҗәсендә сынап карады, нәтиҗәдә Россия Федарациясе Хәрби Көчләре коралларына «Дань-М» модернизацияләнгән комплексы өстәлде.