ЯҢАЛЫКЛАР
12 июльдә Татарстан компанияләре – «АС САЛЯМ» КТ һәм «СТАТУС» теркәү бергәлеге» АҖ (Россия Банкы тарафыннан инвестицион платформалар операторлары реестрында теркәлгән) «Статус-Инвест» инвестиция платформасы базасында мудараба финанс продукты буенча сынау килешүен үткәрделәр. Бу партнерлык капиталы базары өчен уникаль финанс продукты.
«Бизнес тренажер» – яңа форматтагы эшкуарлар өчен эшлекле уен. Уенда катнашу бизнесның ничек эшләвен, чиста табышка ничек игътибар итүне һәм һәр карарның финанс нәтиҗәләренә ничек тәэсир итүен практикада аңларга мөмкинлек бирәчәк.
Татарстан халкы интеллектуаль милек буенча федераль хезмәт (Роспатент) тарафыннан оештырылган «Уңышлы патент» Бөтенроссия конкурсында катнаша ала, ул ел йомгаклары буенча (2023 ел өчен) икътисадый нәтиҗә алган иң уңышлы уйлап табуларны ачыклау өчен билгеләнгән.
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов министрлыклар, ведомстволар, Россия Федераль салым хезмәтенең Татарстан Республикасы буенча идарәсе, Татарстан Республикасы Прокуратурасы, муниципаль берәмлекләр һәм эшче төркемнең башка катнашучылары катнашында Татарстан Республикасы икътисадының тотрыклы үсешен тәэмин итү буенча эш төркеме утырышын уздырды.
2024 елның 10 июлендә «Деловая Россия» Гомумроссия иҗтимагый оешмасының Татарстан төбәк бүлеге мәйданчыгында эшкуарлар белән «Ачык консультацияләр – бизнес белән хакимиятнең нәтиҗәле диалог нигезе» темасына түгәрәк өстәл узды.
КУЭ корпорациясе 2024 елның III кварталында кече һәм урта бизнеска кредит бирү өчен партнер банкларга «зонтиклы» поручительлекләр рәвешендә 60 млрд.сум акча биргән. Бу эшкуарларга ким дигәндә 120 млрд.сум кредит җәлеп итәргә мөмкинлек бирәчәк, дип хәбәр итте КУЭ корпорациясе генераль директоры Александр Исаевич.
Татарстанның кече һәм урта бизнесына МСП.РФ цифрлы платформасында финансларны җәлеп итү өчен яңа сервис тәкъдим ителде. «Инвестицион проектлар витринасы» аша эшкуарлар хәзер үз тәкъдимнәрен урнаштыра алачак, аларны МСП.РФ кулланучы 850 меңнән артык кеше күрәчәк. Инвесторларны җәлеп итү проектларны гамәлгә ашыру өчен заем акчаларын эзләүгә альтернатива булырга мөмкин, дип билгеләп үтте КУЭ корпорациясе генераль директоры Александр Исаевич.
Татарстан Республикасы Икътисад министрлыгы тарафыннан, 2024 елның 17 июленнән башлап, Татарстан Республикасы Министрлар Кабинетының «Балалар һәм яшьләрнең ялын оештыру буенча дәүләт хезмәте сыйфаты стандартын раслау турында» 03.03.2015 ел, № 130 карарына экспертиза үткәреләчәк.
«Кече һәм урта эшкуарлык» илкүләм проекты кысаларында Татарстан Республикасының Балык Бистәсе районы авыл хуҗалыгы җитештерүчесе «Кама-Агро» ҖЧҖ дәүләттән гарантияле ярдәм алды.
19 июльдә 11:00 сәгатьтә Россия экспорт үзәге «Төньяк-Көньяк һәм Көнчыгыш-Көнбатыш маршрутлары буенча логистика ташулары» вебинарын үткәрәчәк, анда 2024 елда логистиканың актуаль проблемалары каралачак.