Яр Чаллыда «Россия Бизнесы геройлары» форумы була
Яр Чаллы 13 апрельдә эшмәкәрләр өчен «Россия Бизнесы геройлары» форумы узган Татарстан Республикасының беренче шәһәрләренең берсе булды. Вакыйганың оештыручысы «Эшмәкәрлек фабрикасы» һәм Татарстан Республикасы Икътисад министрлыгының мәгариф проекты булды.
Форум геройлары — алар, икътисади конъюнктураның катлаулы һәм проблемалар спектрының киң булуына карамастан, Татарстанда үз эшләрен ачкан һәм Россиядә бизнес үстергән эшмәкәрләр. Форумда алар үзләренең җиңү һәм җиңелү тарихлары, миссияләре һәм тормыш кыйммәтләре белән бүлешәчәк. Бу тарихларны тормыш чынбарлыгы буларак күзалларга кирәк!
Форум кунакларын көтә:
- Эшмәкәрләр берлекләре белән танышу
- Перспективалы эшлекле элемтәләр, тәҗрибәләр
- Реаль белем һәм реаль кейслар
«Россия Бизнесы геройлары» форумының спикерлары һәм почетлы кунаклары арасында:
- Артём Здунов, Татарстан Республикасы икътисад министры
- Наил Мәгъдиев, Яр Чаллы шәһәре мэры
- Айдар Булатов, «Эшмәкәрлек фабрикасы» проектын нигезләүче, венчур инвестор һәм «BulatovGroup» компанияләр төркеме директорлар Советы рәисе
- Олег Коробченко, «КОРИБ» компанияләр төркеме генераль директоры
- Сергей Рачков, «РАССТАЛ» корпорацияләре генераль директоры һәм «ТАТПРОФ» ЯАҖ директорлар Советы рәисе
- Тимур Никонов, «2ГИС» Закамье генераль директоры
Шулай ук форумда «СТАРТ-Фабрика» һәм «Мәктәп эшмәкәрлеге Фабрикасы» мәгариф курслары чыгарылыш укучылары төзегән бизнес-компанияләр күргәзмәсе була, ә «Эшмәкәрлек фабрикасы» проектының яңа наборында катнашырга телүчеләрнең барысы да гариза калдыра алалар.
Һәр яңа сезон белән проектка үзгәрешләр кертелә һәм ул тагын да кызыклырак һәм масштаблырак булачак. «Үз тормышыңны яхшырту гына түгел, ә башкаларныкын да үзгәртеп, үз өлкәңдә профессионал һәм даими үсештә булу – менә нәрсәгә өйрәтә «Эшмәкәрлек фабрикасы», - дип комментарий бирә уңышлы эшмәкәр һәм «Эшмәкәрлек фабрикасы» проектына нигез салучы Айдар Булатов.
«Эшмәкәрлек фабрикасы» проекты турында тагын җентеклерәк мәгълүмат bizfabrika.ru. сайтында бирелгән. «Россия Бизнесы геройлары» форумында бирелгән сылтама буенча теркәлергә кирәк.