Тикшерү кәгазьләре – кече һәм урта бизнес эшчәнлеген контрольгә алу һәм күзәтчелек итүнең яңа юлы

Россия Федерациясе Икътисади үсеш министрлыгы Хөкүмәткә кече һәм урта бизнесны тикшерә торган чек-кәгазьләр эшләү буенча гомуми таләпләр расланган карар проектын җибәрде. Әлеге проект контролерлар ягыннан эшмәкәрләргә административ киеренкелек дәрәҗәсен киметүгә юнәлтелгән.

Документ дәүләт контролен (күзәтчелек) алып баручы башкарма власть федераль органнары өчен мәҗбүри таләпләрне билгели, алар документ кабул ителгәннән соң өч ай эчендә тикшерү кәгазьләрен  мәҗбүри куллануга юнәлтелгән үзгәрешләрне кертергә тиеш булачак.

Тикшерү кәгазьләре — расланган сораулар исемлеге буенча планлы тикшерүләр уздыруны караган контрольгә алуның яңа коралы.  Инспектор эшмәкәрне тикшергәндә кимчелекләр булуын күрсәткән сорауларга җавапларны тикшерү кәгазе формасына кертергә тиеш булачак.

Тикшерү кәгазе формасы, расланганга кадәр дәүләт контроле (надзор) органнарында төзелгән җәмәгать советлары утырышларында мәҗбүри рәвештә якынча каралырга тиеш дип күзаллана. Болардан тыш, тикшерү кәгазе мәҗбүри тәртиптә җәмәгатьчелек тикшерүенә чыгарылырга тиеш булачак.

Бердәм планлы тикшерүләр уздыру өчен дәүләт контроленең  (күзәтчелек) берничә җитәкчесе тарафыннан эшләнгән һәм расланган уртак тикшерү кәгазьләре  кулланылырга мөмкин.

Расланган тикшерү кәгазьләре дәүләт контроле (күзәтчелек), муниципаль контроль органнарының рәсми сайтларында һәм "Интернет" мәгълүмат-телекоммуникацион челтәрендә басылып чыгачак. Шулар ярдәмендә юридик затлар һәм шәхси эшмәкәрләр якынча тикшерү уздыра алачак.