Даруларның кайсы илдә җитештерелүе турындагы сертификатларны бирү кагыйдәләре кабул ителде
Россия Федерациясе Сәүдә-сәнәгать палатасының «Дәүләт һәм муниципаль ихтыяҗларны тәэмин итү өчен сатып алуларны (тормыш өчен бик кирәкле һәм мөһим дару препаратлары исемлегенә кертелгән дару препаратлары өчен) башкару максатларына ст-1 формасындагы товарларның чыгышы турында сертификатларны бирү тәртибе турында нигезләмә хакында» 2015 елның 21 декабрендәге 93нче боерыгы белән тормыш өчен бик кирәкле һәм мөһим препаратларга ст-1 формасында тутырылган сертификатларны бирүне көйли торган тәртип расланды. Ул дәүләт (муниципаль) ихтыяҗларны тәэмин итү өчен сатып алулар башкарылганда кулланыла.
Сертификат алу өчен вәкаләтле сәүдә-сәнәгать палатасына мөрәҗәгать итәргә кирәк. Аны, документларыгызны караганнан соң, өч эш көне эчендә бирәчәкләр. Гомуми кагыйдә буенча, сертификат сатып алулар тәмамлангач гамәлдән чыга.