Дмитрий Медведев Россия Федерациясе Хөкүмәтенең «Яр Чаллы» Алгарышлы социаль-икътисадый үсеш территориясен төзү турында» 2016 елның 28 гыйнварындаге 44нче карарын имзалады

2016 елның 29 гыйнвары, җомга


Россия Федерациясе Хөкүмәте Рәисе Дмитрий Медведев Россия Федерациясе Хөкүмәтенең «Яр Чаллы» Алгарышлы социаль-икътисадый үсеш территориясен төзү турында» 2016 елның 28 гыйнварындаге 44нче карарын имзалады.

Карар белән «Яр Чаллы» Алгарышлы социаль-икътисадый үсеш территориясе ( алга таба – АСИҮТ) резидентларының инвестицияле проектлары өчен түбәндәге таләпләр билгеләнде:

  • капиталь кертемнәрнең минималь күләме  50 млн сум булырга тиеш (шул исәптән, 5 млн сумы  1нче ел дәвамында кертелә);
  • яңа даими эш урыннарының минималь саны 30 берәмлекне тәшкил итәргә тиеш (шул исәптән, 20 берәмлек 1нче ел дәвамында булдырыла).

АСИҮТ  ун ел өчен төзелә.

АСИҮТ резидентлары өчен табышка киметелгән салым ставкасы каралган, шул исәптән:

  • федераль бюджетка күчерү өлешендә:  0% - эшчәнлектән беренче табыш алган вакыттан беренче 5 салым чоры дәвамында;
  • Россия  субъектлары бюджетларына күчерү өлешендә:  эшчәнлектән беренче табыш алган вакыттан беренче 5 салым чоры дәвамында ставка 5% тан артмаска тиеш, шул ук вакытта алдагы 5 салым чоры дәвамында 10% тан ким булмаска тиеш.

Моннан тыш,  АСИҮТ резидентлары оешма милкенә салымнан һәм җир салымыннан азат ителәләр, шулай ук алар өчен иминият кертемнәренең киметелгән тарифлары каралган. АСИҮТ резидентлары өчен дәүләт бюджеттан тыш фондларга күчерелә торган иминият кертемнәренең ташламалы  тарифларының асылы шунда: гадәти тәртиптә башкарыла торган хезмәткә түләү фондыннан 30% урынына резидент 7,6% түли (ташлама  АСИҮТ  резиденты статусы алганнан соң, 10 ел дәвамында үз көченә ия һәм АСИҮТ төзелгәннән соң, 3 елдан да соңга калмый резидент статусы алганнарга карата кулланыла).
 

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International