Россия МКФХ 223-ФЗ номерлы Закон буенча электрон сатып алуларны кайсы мәйданчыкларда үткәрергә кирәклегенә күрсәтте
Россия Монополиягә каршы федераль хезмәт «Юридик затларның аерым төрләре тарафыннан товарлар, эшләр, хезмәт күрсәтүләрне сатып алулар турында» 2011 елның 18 июлендәге 223-ФЗ номерлы Федераль закон таләпләренә ярашлы рәвештә сатып алуларны башкару өчен электрон сәүдә мәйданчыгын сайлап алу турындагы сорау буенча аңлатма бирде.
Россия МКФХ фикере буенча, 44-ФЗ номерлы Законга ярашлы сайлап алынган электрон мәйданчыкның аппарат-программа комплексы сатуларны 223-ФЗ номерлы Закон таләпләренә ярашлы рәвештә үткәрүне тәэмин итү мөмкинлеге тудыра.
«Татарстан Республикасы Дәүләт заказы, инвестицияле эшчәнлек һәм төбәкара багланышлар агентлыгы» ДУП оператор сыйфатында эшләгән zakazrf.ru федераль электрон сәүдә мәйданчыгы 44-ФЗ номерлы Закон буенча эшли һәм әлеге таләпләргә тулысынча туры килә.