2015 елның гыйнвар – сентябрь айлары өчен Татарстан Республикасы муниципаль берәмлекләренең социаль-икътисадый үсеше рейтингы

Татарстан Республикасы Икътисад министрлыгы тарафыннан 2015 елның гыйнвар – сентябрь айлары өчен Татарстан Республикасы муниципаль берәмлекләренең айлык социаль-икътисадый үсеше рейтингы  әзерләнде. 

2015 елның гыйнвар – сентябрь айлары өчен гомуми рейтингта Казан шәһәре (1нче урын), Әлмәт (2 нче  урын) һәм Лаеш (3 нче урын) муниципаль районнары алдынгы урыннарны билиләр.

2015 елның гыйнвар – сентябрь айларында рейтингта иң зур уңай үзгәрешләргә Әтнә (+6 позиция) һәм  Саба (+5 позиция) муниципаль районнары ирешкән. Әлеге үзгәрешләр торак йортларның гомуми мәйданнарының, салым һәм салым булмаган керемнәрнең  үсеше темплары артуы кебек кайбер күрсәткечләрнең яхшыруына бәйле.

Мөслим (-7 позиция)  һәм Алексеевск (-4 позиция) муниципаль районнарының рейтингта тоткан урыннары түбәнәйде. Әлеге тискәре үзгәрешләр теркәлгән эшсезлек дәрәҗәсенең артуына, торак йортларның гомуми мәйданнарының, салым һәм салым булмаган керемнәрнең  үсеше темплары әкренәюенә бәйле.

 

Республика буенча төяп-озатылган продукция күләменең җан башына исәпләнгән уртача күрсәткече 350,13 мең сумны тәшкил иткән. Әлеге күрсәткеч буенча республика муниципаль берәмлекләре арасында иң югары уңышка Әлмәт (2103,32 мең сум), Түбән Кама (1136,18 мең сум) һәм Яңа Чишмә (736,63 мең сум) муниципаль районнарында ирешкәннәр. 

 2015 елның 1 октябренә карата республикада теркәлгән эшсезлек дәрәҗәсе 0,78% тәшкил иткән. 21 муниципаль берәмлектә әлеге күрсәткеч уртача республика күрсәткеченнән түбәнрәк. Эшсезлекнең иң түбән дәрәҗәсе Лаеш (0,20%), Актаныш (0,28%) һәм Питрәч (0,33%) муниципаль районнарында теркәлгән. Иң югары дәрәҗәсе  Саба (1,41%), Алабуга (1,40%) һәм Баулы (1,36%) муниципаль районнарына туры килә.

2015 елның гыйнвар – сентябрь айларында Татарстан Республикасында җан башына уртача  0,44 кв.метр гомуми торак мәйданы кулланышка кертелгән. Җан башына иң зур торак мәйданы Питрәч (2,4 кв.метр), Югары Ослан (2,1 кв.метр) һәм  Лаеш  (2,0 кв.метр)  муниципаль районнарында эксплуатациягә тапшырылган.

Рейтинг белән тулырак ТР Икътисад министрлыгы сайтында «Социаль-икътисадый үсеш нәтиҗәләре һәм фаразлары» бүлегенең «Территориаль үсеш»  бүлекчәсендә танышырга мөмкин.