Татарстанда 2030 елга кадәр Татарстан Республикасының социаль-икътисадый үсеше стратегиясен һәм бюджетны бергә бәйләү мәсьәләсе ничек хәл ителүе турында Артём Здунов «Россия төбәкләрендә һәм шәһәрләрендә стратегик планлаштыру: сайлау киңлеге һәм киңлек сайлау» XIV Гомумроссия форумында сөйләде

Санкт-Петербург шәһәрендә Россия төбәкләрендә һәм шәһәрләрендә стратегик планлаштыру: сайлау киңлеге һәм киңлек сайлау» XIV Гомумроссия форумы үтте.

Форумда Татарстан Республикасы икътисад министры Артём Здунов һәм икътисад министры урынбасары Олег Пелевин катнашты. 

Модераторы Санкт-Петербург дәүләт университетының ирекле сәнгать һәм фәннәр факультеты деканы Алексей Кудрин булган «Стратегик планлаштыру турындагы закон һәм бюджет кодексы: синхронлаштыру юнәлешләре» дип аталган икенче пленар утырыш кысаларында Артём Здунов Татарстанда 2030 елга кадәр Татарстан Республикасының социаль-икътисадый үсеше стратегиясен һәм бюджетны бергә бәйләү мәсьәләсе ничек хәл ителүе турында  сөйләде. Пленар утырыш ахырында,  Татарстан Стратегиясен эшләп, республикабызның социаль-икътисадый үсешенә лаеклы өлеш керткәннәрне Татарстан Республикасы Президенты һәм Татарстан Республикасы Министрлар Кабинетының Рәхмәт хатлары белән бүләкләү тантанасы уздырылды.

Моннан тыш, форумның икенче көне кысаларында Артём Здунов һәм Олег Пелевин түбәндәге «түгәрәк өстәл»ләрдә докладлар белән чыгыш ясадылар:

- «Төбәк инновацион  стратегияләре һәм акыллы махсуслашу. Иң яхшы тәҗрибәләр» төбәкара киңәшмә;

- Төбәк һәм муниципаль стратегик  планлаштыруларның  172-ФЗ таләпләренә җайлашуы;

- 172-ФЗны муниципаль дәрәҗәдә гамәлгә ашыру проблемалары;

- Шәһәр һәм төбәкләр тормышындагы вакыйгалар: күләм нәтиҗәлелеге.

Форум материаллары белән тулырак   www.forumstrategov.ru   сайтында танышырга мөмкин.