Икътисадый үсеш министрлыгы дәүләт хезмәтләре күрсәтүнең сыйфаты буенча КФҮләр челтәрен тулысынча мониторинглаячак

Россия  Федерациясе Икътисадый үсеш министрлыгы  2016 елның беренче кварталы ахырына кадәр дәүләт һәм муниципаль хезмәтләр күрсәтүнең күпфункцияле үзәкләренең (КФҮ) формалашып килә торган челтәрен тулысы белән  федераль хакимият органнары тарафыннан күрсәтелүче хезмәтләрнең  сыйфатын мониторинглауның гаммәви системасына кушуны төгәлләүне планлаштыра, дип хәбәр итә «Интерфакска» икътисадый үсеш министры урынбасары Олег Фомичев. 

Хәзерге вакытта Татарстан Республикасында барлык КФҮләр  «Сезнең контроль» дип аталган дәүләт хезмәтләре сыйфатын мониторинглау системасына кушылган. ЭЭМ, Миграция хезмәте, Салым хезмәте, Росреестр, Пенсия фонды, Росимущество, Роспотребнадзор, Суд приставлары хезмәте, Социаль иминият фонды кебек федераль хакимият органнары территориаль органнарының КФҮ аша күрсәтелә торган хезмәтләре сыйфатын республиканың Дәүләт һәм муниципаль хезмәтләр күрсәтү порталы кысаларында КФҮнең рәсми порталы аша да, Татарстан Республикасының бөтен территориясе буйлап, шул исәптән КФҮ биналарында, урнаштырылган инфоматлар аша да бәяләү мөмкинлеге тудырылган.