2014 елда Татарстанның профсоюзлар эшләгән оешмаларында имгәнү очраклары 50 процентка кимегән

2015 елның 29 апреле, чәршәмбе
Татарстанда 2014 ел нәтиҗәләре буенча профсоюзлар эшләгән оешмаларда хезмәт урынында имгәнү очраклары 50 процентка кимегән.
Бу хакта бүген ТР Премьер-министры Илдар Халиковның профсоюз активлары белән очрашуда ТР Профсоюзлар федерациясе җитәкчесе Татьяна Водопьянова хәбәр итте.

Ул шулай ук узган ел бюджет өлкәсендә эшләүчеләрнең хезмәт хакы 15 процентка артуын һәм Татарстанның Россиядә 4 нче ел рәттән бу өлкәдә лидерлар рәтендә баруын искәртте.

Узган ел Татарстан оешмаларында 126 профсоюз оештырылган.
ТР Профсоюзлар федерациясе җитәкчесе хәбәр иткәнчә, Татарстан профсоюзлары һәм дәүләт органнары белән берлектә, хезмәт урынында килеп чыккан 209 бәхетсезлек һәм үлем очраклары тикшерелгән. Бәхетсезлек очраклары килеп чыккан 70 процент оешмаларда профсозлар булмавына ул аерым басым ясады. 

Моннан тыш ул, профсоюзлар һәм дәүләт органнары тикшерүләре нәтиҗәсендә, узган ел республика оешмаларында хезмәткәрләрнең хокуклары бозуның 4 мең очрагы теркәлүен ассызыклады. 2014 ел нәтиҗәләре буенча, хезмәткәрләрдән килгән 566 гариза каралган, шуларның 522 се хокук инспекторлары тарафыннан тикшерелгән, моның нәтиҗәсендә, түләнелмәгән 144 миллион сум хезмәт хакы ияләренә барып ирешә алган.

Очрашуга килүчеләр алдында чыгыш ясаган Илдар Халиков: “Илдә икътисади шартлар уңай булмаса да, республика җитәкчелеге булдырган механизмнар Татарстанда тискәре нәтиҗәләрне булдырмый калырга ярдәм итте”, - дип белдерде.

Аның сүзләренчә, 2015 елның I кварталында инфляция 105,9 процент тәшкил иткән. Премьер-министр март аенда товарларның бәяләре торыклыланганын дә ассызыклады. “Кызганыч, әмма гыйнвар-февраль айларында реаль хезмәт хакы, узган елның шул вакыты белән чагыштырганда, 96,7 процент кына тәшкил итте, - диде ул һәм республикада эшсезләр саны артып 32 меңгә җитүен искәртте. – Бу ярыйсы ук зур сан. Кыскартылган режимда эшләүчеләргә дә кыскарту яный дигән сүз һәм бу хәлгә чынбарлыктагыча карарга кирәк. Моны булдырмас өчен федераль дәрәҗәдә һәм республика тарафыннан да ярдәм күрсәтелә”. Аның сүзләренчә, хезмәт базарын финанслауга 1,1 миллиард сум күләмендә акча тотыла, шуларның 936 миллион сумы федераль бюджеттан бүленә.
Татар-информ” МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International