КФҮләр татарстанлыларга «бер тәрәзә» принцибы буенча ихтыяҗ зур булган дәүләт хезмәтләрен тәкъдим итә

Татарстан Республикасының барлык муниципаль районнарында һәм шәһәр округларында «бер тәрәзә» принцибы буенча гражданнарга хезмәт күрсәтүне тәэмин итү һәм шулай ук хезмәт күрсәтүләрне алганда уңайлы шартлар тудыру өчен, дәүләт һәм муниципаль хезмәтләр күрсәтүнең күпфункцияле үзәкләре (КФҮ) ачылды.
КФҮләргә физик яисә юридик затлар (яисә аларның вәкаләтле вәкилләре) телдән, язмача яки электрон формада дәүләт яки муниципаль хезмәтләр күрсәтүне сорап мөрәҗәгать итә алалар. Алга таба хезмәт күрсәтүче хакимият органнары белән эш, гариза бирүчедән башка, КФҮнең үзе тарафыннан башкарыла.
КФҮтә хакимиятнең федераль органнары (Росреестр, Кадастр палатасы, Миграция, Салым хезмәтләре, Пенсия фонды, Социаль иминиятләштерү фонды, Роспотребнадзор, ЭЭМ, Суд приставлары хезмәтенең, Дәүләт хезмәт инспекциясенең мәгълүмат-белешмә бирү хезмәтләре) тарафыннан, республика органнары (ЗАГС Идарәсе), хакимиятнең муниципаль органнары (җир һәм мөлкәт мөнәсәбәтләре палатасы, архитектура бүлеге, торак-коммуналь хуҗалык департаменты һ.блар) тарафыннан кайбер иң кирәкле хезмәтләр күрсәтелә.
КФҮтә шулай ук башка оешмаларның («Ак-Барс-Мед», ызанлау оешмалары, БТИ, мәктәпкәчә балалар оешмаларына урнаштыру өчен чиратка кую буенча Мәктәпкәчә белем бирү идарәсе хезмәтләре, бушлай юридик ярдәм, документларны ксерокстан чыгару, килешүләр төзү буенча гражданнарга түләүле ярдәм) хезмәтләрен күрсәтү дә каралган.
«Татарстан Республикасында дәүләт һәм муниципаль хезмәтләр күрсәтүнең күпфункцияле үзәге» ДБУнең республика шәһәр округларындагы һәм муниципаль районнарындагы филиалларының адреслары һәм эш графиклары күрсәтелгән исемлеген сылтама буенча табарга була: http://mert.tatarstan.ru/rus/file/pub/pub_256219.pdf.