Татарстан Икътисад министрлыгы балалар өчен «Kidspace» һөнәрләр шәһәрчегенә «Җылы йорт» приютында тәрбияләнүчеләрне алып барды

Татарстан Республикасы Икътисад министрлыгы Татарстанның Чүпрәле районында урнашкан «Җылы йорт» приютында тәрбияләнүчеләрнең балалар өчен «Kidspace» һөнәрләр шәһәрчегенә сәфәрен оештырды.
Дүрт яшьтән ундүрт яшькәчә булган балалар әлеге үзенчәлекле шәһәргә эләккәч, үзләрен төрле һөнәр ияләре сыйфатында сынап карадылар, файдалы күнекмәләр алдылар. Алар янгын сүндерүче, төзүче, парикмахер, кассир, фермер, табиб, кондитер һ.б.лар булып карадылар. Балаларга чара бик ошады, ихтимал, әлеге сәфәр аларга булачак һөнәрләрен сайлауда ярдәм итәр.
Татарстан Республикасы икътисад министры Артём Здунов атналык аппарат киңәшмәсендә министрлык хезмәткәрләренә әлеге чараны уздыруда катнашканнары һәм финанс ярдәме күрсәткәннәре өчен рәхмәтен белдерде, күркәм гамәлне дәвам итәргә чакырды. Балалар өчен киләсе чараны без, гадәттәгечә, Балаларны яклау көне (1 июнь) алдыннан үткәрәчәкбез, дип билгеләп үтте Артем Здунов.