Татарстан Республикасы Яшьләр инновацион иҗаты үзәге тәрбияләнүчеләренең эшләнмәләре Startup-Tour 2015нең иң яхшы проектлары арасына керә

Көрәктән электрон гитара ясау, бармак һәм кул чукларын протезлау турында Яшьләр инновацион иҗаты үзәкләре тарафыннан эшләнгән иң яхшы эшләнмәләрне сайлап алу вакытыныда Татарстан һәм Самара укучылары сөйләде. Сайлап алу 2015 елның 4 мартында Казандагы ИТ-паркта оештырылды, ул Russian Startup-Tour 2015 Бөтенроссия стартап-турының төбәк этабы кысаларында уздырылды.
Мамадыш шәһәренең 2нче лицеенда укучы Айрат Сафин, үзенең классташлары белән бергә, лазер белән кисү ысулын кулланып ясалган 3D-конструкторны тәкъдир итте. Җыелма модель моториканы, логика һәм күләмле фикер сөрешен үстерә. «Уенчыклар балалар өчен куркынычсыз дип табылды һәм, өстәвенә, алар булган аналогларына караганда ике мәртәбәгә арзанрак. Сыйфатлары яхшы һәм бәяләре түбән булулары аркасында безнең уенчыкларны һәркем ала ала», – дип сөйлиләр укучылар.
Мәктәп укучысына үзенең яраткан персонажын ничек итеп 3D-принтерда чыгарып булуы турында Казан шәһәренең 5нче лицее укучылары Рушания Низамиева һәм Ольга Глебашева аңлаттылар. Сайлап алулар нәтиҗәләре буенча «Идея» Яшьләр инновацион иҗаты үзәге укучылары Айнур Гайнетдинов һәм Тимур Хәсәншин тарафыннан эшләнгән «Электрон макиавара» проекты иң яхшысы дип табылды. Проект көрәш вакытында спортчыларның функциональ сыйфатларын (реакция, көч, тизлек) исәпләү һәм үстерү тренажерларын базарда таныту һәм оештыруга юнәлдерелгән.
Икенче урынны лазер буенча тәҗрибәләр күрсәтү өчен эшләнгән «Оптик тәҗрибәләр өстәле» проекты алды. Өченче урынга «Бармаклар һәм кул чукларын протезлау» проекты лаек булды.