Стратегия-2030 проектын Питрәч һәм Теләче муниципаль районнары Советлары утырышларында тикшерделәр
2015 елның 20 февралендә Татарстан Республикасының Питрәч һәм Теләче муниципаль районнары Советлары утырышлары узды.
Питрәч район Советы утырышында – Татарстан Республикасы Премьер-министры урынбасары Васыйл Шәйхразыев, Теләче район Советы утырышында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов катнашты.
Утырышларда 2030 елга кадәрге чорга республиканың Социаль-икътисадый үсеше стратегиясенең төп юнәлешләре турында Татарстан Республикасы икътисад министры урынбасары Наталья Таркаева һәм Татарстан Республикасы Икътисад министрлыгының Фаразлау һәм стратегик үсеш идарәсе башлыгы Олег Пелевин сөйләде.
Исегезгә төшерик, Стратегия-2030ның төп максаты – республиканың дөнья дәрәҗәсендә өч юнәлеш: кеше капиталы үсеше өчен шартлар, территориаль үсеш һәм инновацияле икътисад буенча көндәшлеккә сәләтлелеген тәэмин итү.